martes, noviembre 12, 2013

Arqueoloxía Cervecera ( II)

Arqueoloxía Cervecera (I)

Falar d'Edimburgu ye falar de cerveza. "La vieya afumiada", Auld Reekie, nomatu per el que dellos tovía y-dicen, llegó a tener cuarenta fábriques de cerveza allá per mediaos del siglu diecinove. Güey en día queden dos, una dientro del casu urbanu y  descendiente de aquellos pioneros de la malta, ,la  Caledonian, y otra a les afueres, fundada allá pe'l añu 2003, establecía con muchu esfuerzu pero con bonos resultaos, la microcervecera Stewarts. Cuando vivía n'Escocia, el destín- bono el destín y el bon conseyu de dos queríos collacios, llevome a vivir  n'un  preciosu edificiu de principios del sieglu venti,  enfrente de Fountainbridge, llugar famosu per dos coses. La primera d'elles ye perque n'a colonia obrera que se acolumbraba dende la mio ventana  había nacío, Sean Connery, y la segunda que a la escontrá de la mio cai, taba la fábrica centenaria, Fountain Brewery, fundada por William Mcewan nel 1856, baxo el llema de "To Copy it, is Forgery"- copiala ye tontería, traducío llibremente-  y sede de la renomada Mcewan's. Lo que queda d'ella depués de unos desastrosos años finales en manos de  S&N y depués de los holandesonos de Heineken, son eses roínes que véis, y que tanto me atristayaron cuando les retraté. N'a memoria, olfativa, per más ende, y siempre encesa, tará  grabau'l recuerdu de l'arume a malta que salía de los coceeros cada dos o tres díes, golor que inundaba l'ambiente y tanto me recordaba al de Colloto de cuando yera guaje. Haiga Salú



martes, septiembre 03, 2013

Cerveza Cotoya, La Presentación

Fae tiempu que tabemos naguando per ver esti momentu y por fín va a cumplise, Cotoya sal al mercáu, tras más de siete años bregando pa facer cerveza de calidá, nun sólo curiosa ensin non tamién única y personal, l'esfuerzu cobra recompensa.Ye por eso que dende estes llínees hay que recordavos que el próximu xueves día 5 de Setembre, a les ocho la tarde na Cervecería Lúpulo Feroz d'Uvieu podremos asisitir a la presentación oficial de Cerveza Cotoya, un Fechu que mos presta abondo, faenos felices porque tocamos de cervca  y al que deseyamos llarga vida... como dixo aquel, la suerte deseyase a los que nun saben, a los que saben deseyaseyos trabayu y éxitu asgaya. Vemonos n'el Lúpulo, Haiga Salú y Cotoya....




domingo, abril 21, 2013

Robin Food o David de Jorge o d'un Tipu Xenial ( Parafraseyando...)

Por xente asína,  que tresmiten esa allegría y esa pasión per el noble oficiu de cocinar dedicome, entre otres coses jejeje,  a los fogones. Nun hay más que cuntar, na más dexavos un enllaz a un programa y a un cocineru que no sólo ye lúcidu y cultu ensin non tambén simpáticu y xenial. Parafraseyando a la asturiana el só saludu, Puxa Rusia!!!  Haiga Salú y David de Jorge pa' tiempu.

Robin food David de Jorge































****Semeya sacada de Deia.com,  Videu estraíu de You Tube canal David de Jorge, N'ambos dos casos 

todos los drechos reservaos y protexíos acorde a la llexislación vixente.

lunes, abril 08, 2013

Enxamás Escaecíu// Never Forgotten

Un grande del rocanrol que coló p'allá fae diecinove años pero que enxamás escaecemos. Fuisti y serás eso, rocanrol. Grande Lee Brilleaux


martes, abril 02, 2013

VI Anuariu La Piedriquina


Si me preguntes fae un añu qué ye la Piedriquina dexuru que te dicía que una piedra pequena, pero ay finos y fines,  baxo tal nome tamién s'abelluga una Asociación Cultural que ta faciendo un trabayu etnográficu ya hestoriográficu que al mi paecer ye abondo interesante. Tuvi la suerte de fae unos meses conocer a Claudia Prieto,-asociada de la Piedriquina y collaboradora de la revista anuariu  que la mentada asociación espubliza-, a raíz d'un artículu que fae  un estudiu permenorizáu de la hestoria de la cerveza na nuesa tierra, dende los pioneros que aniciaron a facer cerveza allá per el sieglu XIX fasta la realidá de güey en día, onde la cerveza ta despuntando otra vegada como una bébora artesana y de calidá. Per fortuna, pudi seguir en contautu con Claudia y puedo decivos que el so trabayu promete y muncho, anque sólo seya per la pila hores que- y dedicó con ganes ya ilusión. Per esto,-bueno y per el restu de los articulos del espliegu que tamién tiene atrautivu- anunciovos que el vienres 5 d'abril, a les 20h tendrá llugar  nel Club de Prensa Asturiana de La Nueva España  la presentación del  VI Anuariu de La Piedriquina. Nun vos lo perdáis. Ellí taremos. Haiga Salú  Piedriquina!!

Info en Facebook: La Piedriquina en Facebook
Más Info alrodiu la  Piedriquina y les sos Actividaes: Aquí y  Aquí





Imaxen: Extraída de la Piedriquina, todos los derchos reservaos per los autores.

martes, febrero 12, 2013

Pallabres Vieyes


"A man who doesn't Care about the beer he drinks may as well not care about the bread he eats"//"L'Home que nun atiendi pa' la cerveza que bebi, pode que tampocu atienda pa'l pan que xinta"

Con estes pallabres  abría acullá pe'l 77'  Michael Jackson la su opera magna The World Guide of Beer.

Vieyes pallabres, sabies pallabres, con les q'aniciar un llibru que tornió pa siempre la vida de munchos y que sirviera d'inspiración pa' milenta más d'ellos.


miércoles, febrero 06, 2013

Arqueoloxía Cervecera: Truman's Brewery

Arqueoloxía Cervecera ( Foriates) Truman's Brewery de Llondres

De puta folla, mientres dibemos en tren pa' d`algún llugar del que nun me alcuerdo, ablucamos entre los edificios una d'eses clásiques chimenees cerveceres que dió en pertenecer na' más y na menos que a   una de les fábriques más famoses de Llondres, la Truman's Brewery. Punxeme a pensar en lo grandisima que foi n'un tiempu la industria cervecera d'esta ciodaona y alcordeme  al cabu de Martyn  Cornell y tamién de Pete Brown, fundamentales ,cada unun n'el so estílu, a la hora de arrimase a la cerveza británica, poro  lo que nun pude sacar de la tiesta fueron unes ganes tremendes de tomar una bona pinta de real ale. Quitaronseme dos paraes más allá y 200 metros dende l'apeaderu al pub jeje. Haiga Salú





P.S.- Per ciertu, la cerveza ta torniando a facese en Spittafield, recuperando asína una de les cerveces clásiques llondinense. Noticia Aquí

miércoles, enero 16, 2013

Hestories de Chigres



( Desfruta de la cena!( ….Si te dexen)
Poneivos nel casu que me cuntaron L’utru día, ye un casu muy curiosu, nun chigre n'Uvieu,  onde una pareya foi a cenar. El chigre vamos nomalu X porque ta feo nomar, pero ye conociu de sobra y a bon entendeor poques pallabres….o  non,  Vete tu a saber. La cosa ye qu’entra la pareya que, nun yera ni la primera ni la tercera vegada que lo facia perque siempre yos prestó la  comida y bébora d’esti llocal, y la cosa empieza torcía  ya que cuando entres n’un chigre y dices buenes noches y l’amu que tá ellí nun ten contesta siquiera, malooo!!. Ehí, n’unos nanosegundos a los dos yos petecía colar pa casa pero como la camarera suplió con una bona sonrisa la cosa y  muy maja ella mandolos tirar pal comedor,  pues subieron, taben sólos,- habia otra mesuca con dos, pero na, el resto vacíu, cosa que yos daba igual porque ye un sitiu como  vos digo,  que yos presta, -sicasi per eso ye más graciosu’l casu. El primer toque  ya  yos vien con el vinu. Piden unu, y tal, con unes carateurístiques y  diz la mocina muy amable que cree que sí que va a mirar, y sube con otra botella, d'utru vinu que nun tien na que ver a lo pedío y suelta ella : “diz el jefe que no hay d’esi, que si vos val esti “ Como ye ne? que diz qué, ho? Ostia ta el bar vaciu, yes el que controles de vinos-porque una de les coses n’es que yes especialista y s’especializa el to bar ye en vinos- y nun tienes la cosa de subir tu a decilo y explicayos un poco la alternativa, ho? a la única mesa que tienes?( los otros taben pagando ya pa marchar con lo que quedaron sólos nel comedor). Esto nun ye ni mediu normal. La pareya diz que non, gracies, y torniando a repasar la carta cambia de palu  dando les gracies a la moza que en todo momento fue muy amable y pasando del tema, en modu “vive feliz, se zen y pasa de todo  disfruta de la cena…. si te dexen “(  pa mi que nun yos taben dexando porque pedir Godello y mandate una botella de Chardonnay diciendo que ye similar paezme un pelín de llámate Xenaro el de los Catorce o  bobu d‘afechu). Digo  tamién  que nun los taben dexando desfrutar porque la camarera trae el vinu y ponlu tal cual, un blancu, ensin cubitera pa que aguantare el friu, o un collar d’esos, y tal ( Haylos de la teoría que en iviernu eses coses nun se ponen, ta bien, pa ti nun se ponen  artista, pero nun ye pa ti, ye pa los clientes y nel mundo hay más xente que igual difier un pocu y que lo último de la botella quier tómalo tamien fresco, que no frio, en vez de caliente como caldu). Bueno la cosa ye que, llega la comida y va la cosa a meyor como siempre, la pareya, relaxaos, siguen  comiendo y charrando de lo mundano cuando,  llega’l amu con la camarera, métela en bañu y ponse a day unes correcciones sobre limpieza, el comedor vaciu, oyéndose todo, taben tan tranquilos y de repente per enriba el hilo musical, unes voces autoritaries. Pero nun acaba equí, el señor entra n’el comedor empieza a facer unes mediciones d’un cartelu o no se que porque unu de los de la pareya ya ni miraba al sentir charrar tan alto, y resulta que, arrimase a la puta única mesa que ta cenando, midiendo y entrugandoy a la camarera que si “dende ellí se veía?” y  nun ye capaz de deci-yos, ya no que aproveche, si non, hola buenes noches a los chavales. Pero tio, que el chigre ye tuyu, pero qué me tas contando? Que nun los viste? Que yes tímidu? Que nun queríes interrumpir?-esto último ya lo habíes fecho unos minutos de nada enantes. O que yes un maleducau al frente un negociu, como hay tantos? Na, la pareya acaba la cena, nun pide café ni llicores ni copa ni osties, dexa propina-porque la camarera merecíalo y marcha con el propósito de nun volver. Fin.
Y equí llega la moralexa d’esti cuentu porque esto tien que pensar. Esta forma de actuar de ciertos chigreros, especialmente con la que ta cayendo, nun ye que sea insultante, ye imprudente porque ye como s’arruina un negociu de toes a toes. Siento deciyos, y equi ya pluralizo, que ye peor pa ellos. Tienen más que perder que ganar, y faciendo coses como les d’esti cuentu, que por desgracia pasa na realidá abondo a más xente de lo que paez, ye como se demuestra la falta d’ ética y de profesionalidá de los chigreros, cosa como digo, que ye muy perjudicial porque, otra cosa non pero N’Asturies lo que más mos sobra son chigres, y sobre todo chigres de calidá. Toy d’acuerdu, sí,  con los que puedan replicar que la hostelería ye muy dura, muy sacrificada, too lo que quieras pero ni más ni menos que   otres profesiones, y ya lo sabiéis enantes de metevos nesto, y  la misma palabra lo diz, profesión y pa tar n’una profesión hay que ser profesional siempre, especialmente si yes el dueñu,  porque yes la marca de la casa, yes el que faes que aquello tea representao y tenga carácter. A mi que un camareru tea torcíu un día nun me preocupa, home molesta pero siempre vas a dar una oportunidá a esi llocal porque igual te toca otru camareru o incluso si ye el mesmu esi di ta normal, pero que te desatienda el jefe eso nun ye de recibu. Ser dueñu  requier dotes y preparación pero en tous los aspéutos- a mi dame igual que se sepa de vinos si después nun se ye  capaz de “facer el esfuerzu” de explica-y coses a un cliente. A mi dame igual que seas el jefe tu tienes que andar por el bar pa atender non pa facer tar incomodu. Porque la sensación que tendría esta pareya que taba cenando a lo suyo y falando tranquilos,  con la entrada nel comedor de esi señor, faciendo mediciones imaxino sería la de tar incomodos, del tipo “a ver toy en mi casa y faigo lo que quiera, dame igual que tes ehí” no y tanto, porque ni buenes noches yos dixo, que ye que nun podía esperar a tener el comedor cerráu, ho?. Una cosa ye el camareru, encargau o jefe pesau que se te apalanca cada dos por tres a pregúntate na mesa sobre como va la comida y otra esto, que te ignoren hasta un puntu que ye ridículu. Y ye ridículu guapines y guapinos, porque toy seguru que con escenes como les del cuentu, esti jefe en cuestión, perdió dos clientes, y si me apures alguno más que diben a dir per el boca a boca d’estos o con ellos, porque nun hay que olvidar, que la xente llama a la xente y nun hay publicidá más barata que esi boca a boca. Y sí, ye verdá, puede dase que ciertos chigreros lleguen a  despreciar dos clientes pensando eso tan manío que munchos dicen, de “ pues si nun quies volver nun vuelvas”  lo que quieras, yes llibre de pensalo, facelo y dicilo, a mi paezme  ye una actitú muy mala pa andar per la vida, sobre todo n’estos tiempos que cuerren, y   he de decir que nun ye así, nun depende del cliente el volver o no, o  meyor dicho nun depende al 100%, d’el to esfuerzu y el to bon trabayu depende que esi cliente marche satisfechu y tornie, y eso ye asína, nun lo inventé yo, ye la naturaleza del comerciu  en toda regla. Y esto ye algo qu’el bon chigreru, esi que tien profesionalidá y que sabe lo que cuesta ganar cada centimu, esi que quier durar n’esta carrera tan guapa pero tan dura que ye la hostelería, y que quier marcar el so sellu, esi, esi nun desprecia a nengun cliente y pa él, como pa cualquiera que ta cara al públicu, perder un cliente ye non sólo perder perres si non sobre too perder prestixiu porque un cliente pierdese cuando faes mal el tu trabayu y por lo tanto desprestixieste a ti y a la to profesión. Haiga Salú

P.S.- Todo parecido con la realidá coincidencia en toda regla. Si alguien llee esto y se da por aludíu, meyor que meyor, que nun-y paezca mal, que lo tome como crítica constructiva  pa’ aplícalo de agora n’adelante a otros clientes,  porque con esos dos, n’esti bar X nun-y  va a facer falta porque ya ta puesta la  cruz, pero igual se ta a tiempu de que otros clientes nun la pongan.

viernes, enero 04, 2013

Phil Lynnot-Thin Lizzy y Viceversa

Los que me conocen Sursum&Corda saben que Thin Lizzy ye una de les mios debilidaes y Phil Lynnot un de los mios músicos preferíos ye per eso que n'un día como güey, y faciendo homenaxe a la forma de cellebrar les partíes d'esti mundu que tienen los irlandeses, nun mos queda d'otra que llevantar el vasu y brindiar con un pocu Bushmill y mover la patuca con dellos de los sos cancios que ensín dubia tan xunios a la banda sonora de la nuesa vida pa' sempre.Haiga Salú// If you know Sursum & Corda you also know that Thin Lizzy is one our my favs ever and Phil Lynnot a musician I admire to without any doubt. Today we celebrate ( " It's a Celebratiooon" to the woman I loveee") in the manner Irish people usually do, facing  "it" in sorrow but with joy as well, so I raise my glass full of Bushmill to the rim and shake my legs while their music, OST of our life without fail, is sounding, high volume. Slainthe.
















miércoles, enero 02, 2013

Glayía Cerveceira: #2


 Glayía seconda
Comu dixera Jean Van Roy n'una intrevista-al ver al que lu intervista coyer apuntes mientres tomaben un vasu:  " la cerveza ye pa bebela, non pa escribir d'ella" asina que faciendo-y casu a quien sabe más que nos, marcho pa'l chigre a sorber unos tragos. Chela. Haiga Salú