lunes, diciembre 31, 2012

Haiga Salú n'el Nuéu Añu


Comu cada vegada per este feches deseyavos un bon añu a toús, a los que táis alrodiu y a los que táis lloñe. Quiersevos abondu. Haiga Salú// Once again, I Want to wish a  happy Hogmanay -New Year- to you all, my friends, around and abroad. Love you a lot. Best wishes and Live!!!!















P.S.- Créditu del Poster de Black&White ltd, Diageo UK. Gracies Fonderes//Poster taken from Black&White ltd, Diageo UK.Thank you very much.

jueves, noviembre 15, 2012

Alrodiu'l Whisky y una de Ken Loach

Decíame un chigreru l'utru día " a mi onde tea'l Güisqui que se quite lo demás" toy d'acuerdu a maza. Personalmente encantame'l whisky y toes les sos variedaes (whiskey, Bourbon, Whiskey de Tenessee.... )Nun ye que sea unu un purista de la materia- nun cuaya conmigo lo de ser purista de nada salvo de ser cumplior del llema, "Bebe y dexa beber"- pero si ye verdá que hay detalles que se alvierten diferenciaores y que en muches vegáes omitense, falandose en xenéricu de reallidaes diverses que tienen personalidá y carálter propios. Nun fae muchu tiempu atrás apostaba un collaciu de trabayu que Jack Daniel's yera Bourbon. Yo dixe-y que non que yera Whiskey de Tenessee, y el venga apostar y perxurar. Fasta que-y truxe unes muestres de cuales yeren les diferencies y paez q'acabó per capiscalo. Nun hay cosa que más me saque de quiciu q'un apostón que nun atiendi, o que fina per decíte aquello de " bono, pero pa entendenos ye lo mesmo" . "Nooooo, maaaaal", ¿qué coyones va a ser lo mismo?, ye lo mesmo una mula qu'un burru?. Son parientes, pero nun son lo mesmo. Esta forma de comparar, de glosar y de meter todo n'el mesmu sacu dase abondo entre más d´un coleutivu, y toy viendolo dende fae tiempu en blogs cerveceros y de gastronomía que leo y la verdá ye que molestame, especialmente cuando lo comentes y te responden pixaes del tipu la que vos decía...
Bono, torniando al tema y como decíemos, prestame el Whisky y atendiendo a ello, recoxiera una taxonomía asína d'andar per el chigre, onde queden espresaes les diferencies d'esta bebanda tan xenial:

  De Whisky, Whiskey, Bourbon y Tenessee's.Unos apuntes de andar per los chigres 

Escocia

 Whisky de malta Escocés (Scotch Malt Whisky). El primu borrachu de la cerveza. Faese sólo con cebada malteada, que se seca con fumu, xeneralmente usase la turba pa da-y esi sabor caralterísticu, faese el wort o mosto-claváu al de la cerveza y depués destilase n'un allambique tradicional ( Pot Still) de cobre un par de veces, enantes de pasar a reposar en barriques un mínimu de 3 años a partir de los cuales la edad final ya la marca cada destileria.
Dientro de los whiskys escoceses de malta faense tamién diferencies, verbigracia:

  • Single Malt: Whisky de malta de una sola destilería.
  • Pure Malt: Whisky de malta resultáu d'amestar whiskies de malta de dos o más destileríes.

Favoritos de Siempre: The Balvennie,The  Glenfiddich, Orkney Island's Highland Park....
  • Whisky de Granu escocés (Grain Whisky): Pa facelu usase granu de trigo y de maíz principalmente, y una porción de malta de cebada. Destilase en los nomáos allambiques patente o allambiques de Coffey ( patent/Coffey Stills) que permiten una destilación continua. Con esti allambique produzse fasta 6 veces más whisky que con el pot still  lo que permite atender la demanda del mercáu más fácil. Ye un whisky más cenciellu, como más d'usu diáriu.
Favoritos: Xeneralmente los de granu faense pa lluego vendelos a otros destilaores pa facer los amestaos pero si atopáis de granu  the Famous Grouse y utru de Whyte and  Mckay  probáilos que son prestosos.
  • Whisky Amestáu (Blended): Ye el resultáu de mezclar whiskies de malta con whiskies de granu pa tener whiskies asequibles con carálter particular que ye lo que produz una mezcla que por lley tien que tener entre el 10 y el 50% percientu de malta de cebada. Comu todo n'esta vida hay clases ya distinciones y ye por eso que ciertos blended conviertense en premium  y  alquieren abonda calidá y sabor usando más del 63% percientu de malta de cebada( ye el casu de Chivas, Johnnie Walker etiqueta prieta y azule, JB 8 years, por nomar los más conocíos) los que los fae tar un pasu más cerca de los Malt.

Favoritos: Johnnie Walker, Famous Grouse y  Ballantine's entre los blend normales y de los premium los nomáos enantes , (ensin dubia)


Irlanda
El Irish Whiskey ( n'inglés d'Irlanda escribese siempre con e) tien la so idiosincrasia particular que va dende el tratamientu del granu y la cebada fasta la guarda en barriques, pasando per la destilación. Pa facer el whiskey usase siempre una parte de malta de cebada y proporciones axustaes, según la destilería, de trigu, avena y cebada ensin maltear. Per otru lláu cuando se seca la malta, nun se dexa que el fumo de la turba entre en contáutu diréutu con el cereal, faciendo asína que el sabore y l'arume seyan diferentes. Per lo cabero, poro non  lo menos importante, el llicor destilase, xeneralmente en still pots (aunque tamién se usen los allambiques continuos), fasta  tres veces lo que-y confier potencia ya  la mesma vegada personalidá. Un mínimu de 6 años son los que tien que pasar esti whiskey en barriques de roble ( que hubieren contenío enantes xerez o ron). Depués d'esos 6 años el llímite de guarda ya lu pon la destileria. Dientro del Irish tamién atopamos  diferentes variedaes:
  • Pure Pot Still: Sería el equivalente a los single malt. Pa facelu usase malta de cebada y una pequeña porción de cebada ensín maltear.
  • Malt: Sería el fechu exclusivamente con cebada malteada y un mínimu de 7 años en barrica.
  • Straight: Onde de los cereales usáos predomina unu per lo menos en un 58% sobre los demás( per lo xeneral la malta)
  • Blended Whiskey: Una mezcla de whiskeys irlandeses que se desengolga de maniera equilibrada condestilaos de diferentes maduraciones  ya n'onde nun predomina negún cereal n'especiale.
Favoritos: Bushmill (Ten years malt, 1608 irish whiskey), Connerama, Tullamore Dew malt y blended

EEUU
El testigu de los anglosaxones del utru lláu del charcu recoyerunlu en EEUU de bona gana y asína entre unes cuantes variedaes tenemos que  facer distinción entre los  Whiskeys (tamién con e) de l' Estaos Xuníos.

Rye Whiskey: Podríemos mentar al centenu como el cereal pioneru con el que los yanquies aniciaron a facer la so versión del whisk(e)y célticu. Per llei tien qu'ellaborase con un amestáu de granu que contenga del 51% al 80% de centenu ( siendo el restu del amestáu maíz y cebada malteada en proporción según el destillaor). Facíase en pot still lo  que-y daba un toque reondu al llicor. Una vegada destiláu, Metíase a reposar un mínimu de 2 años en barriques nueés de roble americanu que previamente yeren quemáes per dientro. La característica d'esti whisky ye la suavidá y les notes especiaes y afrutaes que produz el centenu. Típicu de los estáos del Noreste (Nueva York, Ohio, Pennsylvania, Maryland...) el declive vieno con la llei seca que truxo un cambiu n'es modes de los gustos ya que la xente empezó a aficionase más al toque dulzaplayu que-y daba el maíz( cereal más baratu pa facer whiskey de contrabandu) con lo que los destiláos con esti cereal que veníen de Kentucky y del condáu que-y dio nome empezaron a imponese, dexando casi caer nel escaecimientu al Rye. Güey, el Rye  Whiskey considerase un tragu finu que ta a la altura de munchos whiskies de malta.

  • Straight Rye: El destilláu pasa un mínimu de 4 años en barrica pa' afinar

Favoritos: Wild Turkey Rye, Bulleit,Catoctin Creek ( Jim Bean, Four Roses e incluso Jack Daniel's tan faciendo Rye whiskey tamién)

Bourbon:  Recueye'l nome del condáu de Bourbon en Kentucky, d'onde ye orixinariu, anque nun per ello la fechura de Bourbon ta restrinxida a esti estáu, pudiendo ellaborase en cualesquier parte de los Estáos Xuníos, eso sí, sólo los fechos en Kentucky pueden portar el nome Bourbon de Kentucky. Pa que'l Bourbon seya consideráu como tal tien que contener entre el 51 y el 79% de maízu mezcláo con otros cereales, siendo los más usáos el trigu, el centenu. y la cebada malteada.  El destiláu final nun puede sobrepasare los 80% en volumen y tien que reposar en barriques de roble un mínimu de 2 años. La barrica también tien el so aquel, perque tien que ser de roble xoven y non tar usada y per dientro pegáse-y una chamuscada enantes de enllenálu.

  • Straight Bourbon: Ye como se denomina al Bourbon que aparte de los requerimiento llegales de destilación anteriores cumple tamién con la normativa de tar más de 2 años en barrica-suelen tar un mínimu de 4, lo que yos confieri un puntu mucho más refináu.

Favoritos: Maker's Mark, Jim Bean, Four Roses...

Whiskey de Tennessee: Faese con un amestáu de granu nel que'l  maízu tien que ser el 51%, destilándose a 80% y añexáu entre 2-5 años en barriques de roble nueves y recién chamuscáes. Enantes d'embarrilase, el destiláu sometese al nomáu Lincoln Process ( porque se facía nel condau de Lincoln) que nun ye otro que pasar el líquidu  per carbón d'arce sacarosu (del que se saca el sirope) lo que-y da el carálter suave y melosu que lu diferencia del Bourbon y de otros whisk(e)ys yankies.

Favoritos: Jack Daniel's, Dickel's, Benjamin Prichard's 


.....Per ciertu lo de Ken Loach ye por la grandisima pelí que fizo agora Angels' Share ( la parte de los anxeles ye como se noma a  la cantidad que añu tres añu va evaporandose na barrica) y que maxistralmente toca el tema de les posibilidaes d'un malandru que acaba topando el so llugar nel mundu gracies al whisky.



Curiosidaes:  La mayoría del  whisky mézclase con agua nel embotellao pa' que salga al mercau a los 40% grados establecios de alcohol per volumen. Ensin embargu hay una parte nomada Cask Strength  que ye un whisky que s'embotella con la graduación orixinal na que ta nel bariil ( suele ser unos 65%) y onde se parecien de manera direuta los sabores primarios del contautu alcohol/maera
 Whiskey o whisky? o que fue primeru el güevu o la pita?- Con e pa los Irlandeses que reclamen la i nvención o descubrimientu de"usquebaugh" o water of life, sin ella pa' los escoceses que reclamen que ellos ya lo facien antes de que llegaren los monxes a la illa d'Iona. Seya como fuere les doe versiones del agua de vida tan coyonudes
Scotch or not? Sólo y per normativa llegal vixente se pueden nomar Scotch a los whiskies producios en Escuecia.
Candy Candy,Carambelu.-  En Escocia ya Irlanda añadíos o adxuntos en forma de carambelu pa dar color pueden usase-aunque nun sea muy común, siempre, eso sí,  que seyan naturales. Pa'l Rye, pa'l Bourbon y pal Tennessee Whiskey ta prohibido.


Bibliografía:
http://www.whisky.com/history.html
Michael Jackson's Malt Whisky Companion,
Whiskey: The Definitive World Guide Michael Jackson
http://www.northbritish.co.uk/
http://www.tennesseewhiskey.com/
http://kybourbontrail.com/- La ruta del Bourbon
http://www.irelandwhiskeytrail.com/home.php




jueves, septiembre 06, 2012

Viaxar

"Viaggiare é molto piú bello che arrivare; almeno in quello effimero áttimo in cui la mácchina, il treno o le scarpe ci mancano" Giulio V. Corse
("Viaxar ye abondo perguapo q'arrivar al destín, per lo menos n'esi efímeru momentu n'el  que sientese señaldá per el coche, el tren o les propies botes")

Visto n'una muria del cascu vieyu de Torino fae 10 años- per lo menos- y   firmao per un tal Giulio V. Corse. Quiero imaxinar que esti grafiteru poeta  refierse a la guapura y lo prestoso que ye tar en tránsitu, almirar el paisaxe en movimientu, yo que se, prestome abondo la frase y recordela agora que tamos a puntu d'aniciar un viaxucu deseáu fae tiempu. Haiga Salú


jueves, agosto 30, 2012

XXV Certame del Quesu Casín Na Collá d'Arniciu

Col quesu pásame lo mesmo que con la cerveza, per un lláu, prestame abondo y cada vegada doy lo que seya per probar algo nuéu, venga d'onde venga, per utru nun se si sería quien a nomar unu favoritu. Si fora asína el quesu Casín sería unu d'ellos porque prestame la forma na que se fae dende tantu tiempu atrás, por textures, por sabores-el amargore, el picorín son únicos nel mundu.Ye un quesu únicu, vieyu, abondo vieyu, ye un quesu que rapresenta meyor que nada la cultura d'una tierra y sólo por eso ya ye motivu d'un homenaxe y d'un certame que dende equí vos recomiendo porque esa tierra merez la pena visitala ya esfrutala y porque el quesu en sí mesmu ta coyonudu, ya lo dixi. Vemonos ellí.Haiga Salú.

sábado, agosto 25, 2012

Festival de la Cerveza de Avilés

Una vegada más,un añu más y van dieciocho, sobren les pallabres, el Pioneru n'Asturies que Haiga Salú. P.S.- Vemonos ellí

miércoles, agosto 01, 2012

I'm a Rocker, I'm a Roller. Pretending Lemmy

Esti post nun tien que ver con la cerveza, ( aunque nun ye del tóu cierto son les 11 la mañana y toy tomando DAB mientres escribo) pero si con el conceutu de Bon Bevant que tanto mos presta. N'una d'eses nueches de branu, equí p'atrás,tuviemos una epifanía d'eses que tenemos de vez en cuandu. Enfrente d'una botella Bourbon, un refrescu d'esos famosos, unos Davidoff y de fondu sonando rocanrol creímonos Lemmy per un canciu o dos.Haiga Salú

viernes, julio 06, 2012

Cerveza asturiana o Cerveza n'asturianu (II): ToliviaFest

Agora sí puede decíse que hay cerveza Asturiana y n'asturianu. El sábadu 7 de Xunetu a partir de les 12 del mediudía tendremos la oportunidá de comprobalo nel primer festival de la cerveza artesana entamada per la Asociación Cultural El Cascayu y que se cellebrará nel pueblu llavianés de Tolivia. Vemonos per ellí ensín dubia y meyorando lo presente. Haiga Salú
Imaxen sacada de Asturias de Fiesta. Tolos derechos reservaos

viernes, junio 29, 2012

Glayía Cerveceira


Glayar= N'asturianu, gritar, chillar, dar voces de atención. El verbu paez una derivación direuta del nome Glayu que ye comu se noma n'Asturies al garrulus glandarius o arrendajo común. La glayía o el glayíu ye la aición o efeutu de glayar y la mio versión asturiana y n'esti casu cerveceira  del cellebre piar ( tweet) de los gringos.

Glayía primeira: " Duelme a la vista ver cartelos que traigan "Oktoberfest en Xixón" nel mes de xunu, paezme ridículu ya inda más cando les cerveces que se ufierten son les de Heineken, Amstel y demás puxarra... Tan dificil ye escribir Festival de la Cerveza, aunque lo que vendan sea basoria???" Chela

miércoles, junio 13, 2012

Un añu y picu

....Edina Language Centre(ELC) facer lo que quies, arriscar y nun triunfar; escambiar de palu entrar en  Teltech, Iris Doppio Malto Artesanale,formación en televenta en  Madrid y Cafekee, Oldenburg  y L'Europe; llegar a Uviéu y Früh de Colonia a 1,25e, Avilés,  El Cabanón y  Maruxa; parar un día nel Paco's y acabar mamaos de tomar Mikkeler y De Molen: aniciar a trabayar en Naguar, fogoniando again dos años depués: cortar,pelar, llavar, sofreir, salsear, emplatar. Lúpulo Feroz y el so Festival de Cask Ale Great!!!, stress, axustes, recetes, postres, pinchos y más salses, pan con especies. Vivir y Beber en Lluanco, La Marina y  doce na Tabierna de Hank, Chipirones fritos ensín llimpiar. Llorar de contentu al ver Thornbridge por fin na península( faltame Dark Star pa' seguir dando muestres). Fogones, barru na cocina pero facer lo que quies y lo que te presta siendo feliz. Mantega d'anchoes. Marchar pa Llaviana tar con los güelos y los collacios d'ellí, desconeutar. Torniar pa ver que sales faciendo el boborolo en Canal Cocina ( restu de 8 años faciendo de animaor pa guajes). Four Roses Cocacola, Jim Bean LLimón, Jack daniel's con Ginger ale. Cursu de pescaos y mariscos meyorando lo presente,  Espiches vacances: Burgos, la so ruta pinchos,Mesón Don Pancho y sus Cojonudas, atopar  no males cerveceries. La Guardia   impresionante Hiruko y el so  pinchu de entripao con cosecheru de verdá y les bodegues El Fabulista; El Ciego y cerveza Baias, presta abondu un tragu malteáu y lupuláu entre tanta uva. Logroño ruta los Elefantes na cai Lloréu( calle Laurel). Juan y Pinchame; Clarete y brochetes de gambes con piña. Chigres y  champiñones a la plancha. Cai San Xuan, calimotxu y  faxolu de callabacín. Viana y Naparbier a 11 km de Logroño. Torniar.  Llegar a Gasteiz y atopar una cervecería nomada Kitsch que taba piesllá ;matar zapera con los pinchos del Toiño y la Malquerida( entre otros que agora de memoria escaezo). Bilbo y la so Aste Nagusia, grande onde les haiga. Txiriboga con  Kroketa y Txacolís,  Pintxos y Krusovice en el Berton y el Bukoi. Mil docenes de pintxos más y enamoráu de Bilbo. Torniar y San Mateu entre fogones. Xente fartuca. Escapiar unos díes pa Santiagu de Compostela; Galicia Calidade: Abastos dos punto cero, Curro da Parra, pub Atlánticu, Cerveza San Amaro Acoyonante la Pale Ale. pulpería Os Sobriños del Tio. Xente de lo meyor. Reencuentru en Viveiro de 3 buen@s collaci@s. Costa Lucense, Estrella Galicia de Bodega, merluza de Celeiro, caminar baxo l'orbayu, rises y Xueves de la tapa nel Pizzburg y los sos idees. Más Fogones, descansar n 'Avilés comer y cenar nel Llamber y la so particular y rica cocina. Nochevieya de menús de navidaes, cocinar a tope y facer felices a la xente. Añu nuéu, Fogones vieyos.  la mio prima vieno de Alemaña y comemos xuntos nel 180º y la so cenciella y prestoso moderna cocina. Sint Bernardus Prior a 3, 60e  nel Chili's en Xixón, cerveces entre fauna divertía. Oricios y cachopu  con Nahuel na Mar&Morena. Cacharros y cerveza Afumiada Nel Deuschtland o la Alemana según como se mire,  Rotherbräu, Aktien Brauerie, Mikkeler, Cantillon, ProperJob, Birrificio del Ducato....5 años de Lúpulo Feroz torniar  con la frente marchita acodase na barra y sentir que tas en casa. Mas Trabayu, más fogón, más mases, más recetes, más salses,  más xente. Normalizar la vida,  tomar DAB pils  abondo en casa,  descansar xunto al mar o na Cuenca el Nalón  pasando por L'espumeru pa ver que sigue siendo un grande, torniar al bar, al blogue, abrir una Tribute Ale de Saint Austell pa cellebralo, torniar ya tar equi un añu y picu depués...Haiga Salú.