martes, agosto 31, 2010

Brit Pop

Dellos de los mios cocineros favoritos son británicos. Esto puede sonar raro y más si son tan mediáticos como los que voy nomar: Simon Rimmer, Gordon Ramsay y Jamie Oliver, pero siempre foi un amante de la cocina britanica per como presenta, cuasi al desnudu los sos productos: el puntu de coccion de les verdures encantame, los asaos de carne con pocu aliñu, dando protagonismu a la carne en si, los pescaos al fornu o fritos en su puntu, por nun falar de les mases pa’ pasteles y empanaes, onde destaquen per enriba de munches cocines. A pesar de esi apegu a facer les coses cencielles la cocina británica ye permeable, dexase influyir especialmente y dende los tiempos coloniales per la India y per Africa, dende menos lloñe per toes les cocines foriates que s’asentaron nes sos grandes capitales. N’esto paezme que radica la so versatilidá, la so capacidá pa desarrollase ensin complexos, recoyendo lo meyor de cada cocina y dando una vuelta que fae de los sos platos un soplu de aire frescu y accesible.


Descubrí a Simmon Rimmer a travies de los M&M’S de los mios collacios italo-escoceses quienes mandoronme el llibru Rebel Cook, una oda a ser un autodidacta de la cocina, y una xoya en si mesmu.Nun fae muncho fice la adaptación al asturianu de la so receta del Clam Chowder, esi platu tipicu de NY onde l’apiu, el tomate, el tocin y les amasueles faen una sopa única tanto pa seronda como pa iviernu .


Gordon Ramsay, descúbrese solu, ye unu de los mas polifacéticos, laureaos-en estrelles y otros - y mediáticos de tous los chefs británicos y también polémica per los fregaos en los que se mete. Un dechau de virtudes técniques pero que ademas fae les coses de maniera prautica y facil. La revision del Shepherd Pie, saquela de velu a el cocinala na tele. Simple y sabrosa, nun se puede pedir mas.


Jamie Oliver, el mas xoven de los tres, conociu n’España per un programa suyu de cocina que emitia aquel desapareciu canal, Localia, ye el nuéu valor de la cocina en Reinu Xuniu, dando-y un puntu de frescura y versatilida ensin ugual. Prestame abondu facer recetes suyes y paezme que pa los entrantes siempre ye un xeniu, ye per eso que l’utru dia decidime a copia-y la Ensalada Más Sexy. La mezcla de figos, xamón serranu, ablanes, mozzarela, tomate cherries y canónigos aliñao todo con una vinagreta de miel y la albahaca fresco paezme difícilmente superable como primer platu, nun en vano Oliver nómala la más sexy. Faceyla, veréis que vos prestara abondo. Haiga Salu



La ensalada más Sexy

Figos

Xamón serrano

Noces o ablanes

Mozzarella

Canónigos

Albahaca fresco

Pimienta prieta

Sal

Aceite oliva

miel

vinagre de módena





Ellaboracion

Disponemos les fueyes debaxo y per enriba los cherries cortaos a la mita y la mozzarela en trozos. Facemos un corte a los figos en cruz pero sin desprendelos, de modu que se abran como una flor y ponemoslos per la ensalada y de maniera aleatoria dexamos caer lonches de Xamón serrano. Decoramos con noces o ablanes y la albahaca fresco picao grosso. Pa la Vinagreta: 6 cucharaes soperes de aceite, tres de vinagre, un poco de pimienta prieta y una cucharada de miel, ximielgar too xunto pa' emulsionalo


Maridemoslo con una DAB de Dormund xenial y con un fresquin y ricu Castillo San Diego del añu, espectacular resultao con les dos bebides.