sábado, mayo 29, 2010

Fiesta de la Cerveza en Xixón


Xixón ta de festival cerveceru. Asína mos lo anuncia la xente de CAAC ya otros destintos medios consultaos. Dende el 27 al 29 de mayu, el caberu finde, y dende'l 4 fasta el 6 de xunu, el primeiru de mes, la plaza del Bibio acoyerá un Festival cerveceru recreante d'una feria bávara de la cerveza. La entrada ye llibre fasta completar l'aforu y los horarios son ininterrumpíos dende'l mediudía fasta la una la mañana los xueves y los domingos y dende'l mediudía fasta les dos los vienres y los sábados. Falemos de lo serio: tres cerveces diverses son les que ufierten dende les barres d'esti entamáu, toes elles de barril. Veltin's Pils, Maisel's Original Weiss y Aktien Landbier Dunkel. Tres alternatives que se desliguen de les tan manides cerveces del consorciu holandesón y que mos aseguren calidá. Acompañando al tragu-nunca me queda claro qué acompaña a qué-, podemos fartanos con los siguientes platos: Codillu con puré de pataques y chucrut, Costielles de gochu, salchiches xermánes, pataques frites, Quesu Emmental, bocadiellos d'arenques y Ensalaes típiques de Baviera.

N'a parte lúdica, que diría algún, pa mi esto ya ye lúdico de sobra, cúntase con les actuaciones de una orquesta bávara de música tradicional asína como con un pinchadiscos pa' entretenenos.

Habrá que pasar per ellí, a tastiar unes cerveces, o delles, y comer daqué. Haiga Salú


P.S.- Tenéis más información n'esta aplicaición que el Grupu Idea, los entamaores de l'eventu ficieron a propósitu del festival: Fiesta de la Cerveza España



P.S2.- **Imáxen del cartelu Cortesía Grupo Idea. Imáxen Festival Cerveza: cortesía de Cotoya . Gracies fonderes a tóos los dos por la so collaboración.