miércoles, septiembre 23, 2009

Hestories nueves de L'Águila Negra


Sempre dixi que dir pa la cama ensin deprender nada nun ye bono. A mi siempre me provez el nun sacar daqué en claro n'un día normal. Ye por esto que ayeri falando co'l mio collaciu Falo, conocíu por Fueyo na antigua Fábrica, animosamente alrodiu una botella Sidra***, empecipiemos a alcordanos de la xente que trabayó nel Águila, los que murrieren, los que quedaben vivos, los que trabayaben, los que facíen que trabayaben, y demás coses que como siempre mos portien a la tiesta la tristura que ye el fechu de la pérdida d'esta cervecera. Foi falando de les xubilaciones y prexubilaciones como retorniamos a tar allegres otra vegada más. Echando un culete sidra salta Falo picardiosu: " cagontal, dicien que tar prexubiláu yera malo. Yo retireme a los 62 y equí toy, los de la mi quinta morrieren tóus, si llego a seguir trabayando cuantos años llevaríe dando ortigues ho?" La socarronería d'un paisanu de 84 años ye per grande porque ye sabiduría( Y qué memoria chico, ta como un chaval, alcuerdase de todo, nomes, feches, ya quisieren munchos xovenes)

D'entre les coses que deprendí saqué estos apuntes a desarrollar:
-La Fábrica Estrella de Xixón, una vez absorvía per L'Águila, funcionó de almacén central pa'l conceyu de Xixón y alriores.
-La cerveza que ficieren prieta nos años 60, nun se vendía ni pa su madre(acababen tomandola los trabayaores)
-La Fábrica tenía-bueno esto sabíalo pero nunca lo anoté-maltería propia-despuesta a la manera de facer de la de los checos.
-Los coceeros de carbón yeren modernos pero había que paliar como un hijoputa pa poder tizar aquelles cubones enormes. Hasta 12 tonelaes diaries en dos turnos, que se diz pronto con lo que a mediaos de los 60 escambiaronse por unos de gasoil traíos de alemania
-El Lúpulo que se recollectaba nes finques de xunto la fábrica( lo que güey ye la cocacola y per ahí) diba pa Villanueva de la Ribera y luego torniaba fecho planches y non pellets, porque yera meyor pa tomar la medía de la cantidá a echar
-La llevadura, yera propia pero tovía tenemos que matizar el orixen y la conservación de les cepes

Pero la noticia que me da más allegría y sobre todo que respaldia un poco la mio teoría del sabor nel mio recuerdu( por nun falar del que tan nel mio celebru marcáu pol golor) ue que L'Águila Negra NUN USABA MAIZ, na so cerveza TIPO PILSEN. Aunque bien ye verdá que la Kronen la so cerveza extra- lo más parecío en sabor y calidá de güey sería Volldamm, llevaba 1 parte de maíz por 3 de cebada.

Voy a escribir estes notes pa añadiles al trabayu que poco a poco va coyiendo forma. Nun Hay que escaecer enxamás L'Águila. Haiga Salú

P.S.- La imaxen ye per graciosa.Falo y Araceli son los pás del mi collaciu de guajes, del mio primu hermanu, Nacho, conocíu con el Llanero o el Llani pa abreviar. Yo tengo la bici guardá na so cuadra porque en casa nun tengo sitiu. Cada vegada que quiero dar una vuelta en bici por eso de tar en forma y tal voy a so casa. La cosa ye que depués de tar dos hores casi, dando pedales.al torniar a so casa. Ta Falo esperandome con la mio mochila enllena tomates y manzanes y una botellina sidra que ye" muy bona pa la sede y pa recuperar azúcares". Asína que figuraivos que charla, reposando la sudá, ensin quitar el cascu y vasu sidra en manu.Meyor imposible. O no??

3 comentarios:

fivixx dijo...

El otru día contome mi güelu que en su época solía ir con el tractor a la fabrica de colloto a buscar los restos de la coción pa dar de comer al ganao. y en una de estes encontraron un dia a la perra en casa pates arriba echando espuma por la boca. por lo visto era aficionada a beber lo que arroyaba del remolque del tractor. Que pena que no lleguer a conocer yo a esa perra... jejeje

Chela dijo...

JEJEJJEE esa perra si que sabía, si señor y to güelu que sabía que la pulpa yera bono abondo pa les vaques.

Haiga salú

somebody dijo...

酒店經紀人,菲梵酒店經紀,酒店經紀,禮服酒店上班,酒店小姐,便服酒店經紀,酒店打工,酒店寒假打工,酒店經紀,酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工經紀,制服酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工,酒店經紀,制服酒店經紀,酒店經紀