domingo, enero 18, 2009

Escocia I: La Vieya Afumiada.Edinburgh y la cerveza

Auld Reekie, la vieya afumiada, ye como llamaben nel sieglu diecinove a la ciodá de Edimburgo, por aquel entoncenes enllena de fumu de chimenees de carbón y de industries varies. Tornié a Edina, 5 años depués de haber vivío ellí y les sensaciones nun podíen haber sío meyores. La ciodá nun cambió tanto, les coses taben igual, los bares a mano, los atayos onde siempre y l'aire siguía soplando con fuercia, la fuercia que-y da la guapura tan especial que tien....O sí cambió???, les obres del tram y la remodelación del airea alrodiu el Union Channel dan una sensación de futurismu que nun pega ni con cola con el patrón normal de arquitectura que tien establecíu la ciodá. Pero bueno yo nun soy arquiteutu asína que ellos sabrán....









Preprarando el viaxe y ordenando les notes y el cuadernu de viaxe calculé que pa poder llegar a una idea somera de como taba dedenvolviendose la escena cervecera escocesa en particular y británica en xeneral, tenía que tomar unes 25 pintes en 5 díes, algo que pareciome más que correuto. Axunto equí que la condición sine qua non ye que fueren siempre Cask Conditioned* o nel so defeuto bottle conditioned. Sabíemos d'antemanu que delles más iben a caer porque la sede ye muy mala y porque Edimburgo tien muy bona cerveza del mundu, doy fe....

Allegaos a esti puntu ye bono facer un breve repasu a la hestoria de l'ale escocesa y del por qué de la so evolución en parte con rasgos destintos a los de la inglesa o la galesa. Y ye que no sólo la nomeclatura de la cerveza ye diferente, tamién la propia cerveza en sí acaba siendo particolar. Más d'una vegada falamos na CAAC del conceutu de terruñu(Terroir que dicen los franchutes) aplicáu a la cerveza. La Ale escocesa ye un exemplu perclaru de esta idea. La climatoloxía, l'agricultura y l'auga de Escuecia influyeron decisivamente na evolución y el carálter de les cerveces escoceses, en definitiva, el terruñu, sempre'l terruñu.

Una de les cuestiones principales que se suelen tratar ye que el tiempu y la tierra de Alba son bonos pa la cebada pero no pal lúpulu que nun se dá en demasía n'esta dura tierra. Por exemplu, Autores como Martyn Cornell o Pete Brown, falen d'ello marcando la destinción y cuntennos la variedad de yerbes con les que aromatizaben los antiguos escoceses la cerveza. Brezu, tomillu, misiegu, y otru llargu etc. La bibilioteca pública de Edinburgh, pude, consultar unos llibros sobre la industria cervecera onde se instaba al cerveceru a prestar especial atención al malteáu y a la so combinación del l'auga ante lo costoso de los llúpulos.

El casu ye que una vez que el lúpulu s'estableció nes Isles Britániques los escoceses teníen que importálo de los sos vecinos ingleses a un preciu desorbitáu con lo que faciendo del viciu virtú, la so ale derivó en una cerveza con munchu carálter a malta y leve lupulización. Paradoxes de la vida, ensin embargu, de los Puertos escoceses marcharon grandes cantidaes de IPA-enantes de que se nomara asína- pa les colonies de la India y la industria cervecera edimburguesa, aprovechando les propiedaes del so auga fizose famosa por caltener la ellaboración de cerveces lupulizades a la par de les maltoses típiques.

L'auga ye definitivo pa la cerveza como muchos sabéis. Na mio llista de llugares onde l'auga influye poderosamente na cerveza:Pilsen, Londres, Burton siempre meto a y Edimburgu porque les propiedaes organoléptiques del auga definen el sabor de la cerveza que se ellabora equí. (Si l'auga escocesa ye bono y famoso por dar bon whisky cuanto más lo será pa facer cerveza onde la presencia d'esta ye bastante mayor, nun ye verdá?)

La climatoloxía nun sólo afeuta a la siembra ensi non que tamién determina la maniera de facer cerveza. Los fríos del norte del país fomentaron la ellaboración de cerveces de forte carálter, alcoólizaes, maltoses, tostaes y dulces dando llugar a lo que se nomó como Scotch Ale. Vienme a la tiesta otra vegada el tema del terruñu porque esti tipu ye muy popular en Bélxica- por motivos varios como lazos comerciales, desembarcu de tropes durante les grandes guerres, etc... ensin embargu aquel que prueba una scotch ale verdadera y lluego prueba el brebaxe azucaráu y alcoólicu de, por exemplu, Gordon, sentirá la diferencia. Trátase d'una cerveza alcóolica, d'entre 6,5 y 10% fecha pa' combatir los fríos de les tierres altes y baxes, con sabores marcáos a malta, plena de sabores a cereal tostáu y frutes madures y con notes a llicor que la faen emparentar con l'auga de vida escocés a traviés de la hestoria. Lléi n'un llibru sobre whiskey d'un tal Robertson que los cerveceros cuando seyos estrozaba la cerveza al facela pasabenla a los destilaores y estos facíen whisky con ella. "D'una mala cerveza tovía se puede sacar bon whisky" reza'l dichu popular y ye que nel primer estadiu la cerveza y el whisky faense de la mesma maniera.



Xunto con esta los escoceses tamién se dedicaron a facer diverses cerveces que más o menos se veníen diferenciando entre elles por la gravedad orixinal dependiendo d'ella que fueren más o menos barates y nomandoles según el preciu pero tamién según la fuercia. En realidá ye una maniera bien práutica de poner nome ya que a mayor gravedá mayor emplegu de maltes y por tanto más cara en preciu. Light(60/**) ye la más lixera de toes, con un 3,2-3,5% ABV, de color pardu escuru, sabor a cereal y final acre. La siguiente en fuercia ye la Heavy(70/), alcoól que va de 3,5-4% ye maltosa, de color ámbar claru, cremosa. La Export (80/), y ye la que más se vende en Cask Conditioned. De color castañu escuru, con reflexos suel tener entre 4-5% ABV y ye maltosa, sedosa, notense los lúpulos pero muy al final, ye sabrosa y firme. Lo de Export ye porque nel sieglu XIX yera la cerveza que más salía de Edinburgh y Glasgow pal resto de ciodáes del Reinu Xuníu. Per último tá la Wee Heavy(90/) , la más cara de tóes, una cerveza que se mueve entre los 5-7 %, ámbar escuro maltosa y con carga fuerte de alcohol con retrogustu dulce. Pa' aniciase esto ye suficiente pa saber como ye la cerveza que el pueblu bebe ellí porque los bares tan astraos de xente a toles hores y nun dudéis que beben de lo suyo, en sin complexu ni miramientu , pero con exixencia, que la 60/ tea a la temperatura o la so 80/ tenga el sabor que d'ella s'espera son coses que siempre se espera a la hora de tomar una pinta ne local.

...Y ya que falamos de Bares ye necesariu decir que en Edinburgh hay munchos pubs con Cask Conditioned ale-por suerte pa nos-. De entre estos una gran parte pueden permitise el luxu de ir rotandoles y dando cabida a pequeñes cerveceríes nacionales. oOros ,ensin embargus son demasíau pequeños pa dar cabida a todos. ye equí onde la expressión Drink Locally( bebe lo tuyo podriemos traducir) toma forma y cualquier pequeñu pub tien dellos cañeros a la par que un par de bombes de real ale, siendo la 80/ y Deuchars, IPA, ámbes de Caledonian, les más populares na ciodá.





Escocia a pesar de ciertos movimientos tradicionalistes nun ta quieta y xunto con les dos ubicues nomaes enriba, ofrez una bona serie de cerveces que se salen de lo establecío bien paradoxicamente yendo fasta la tradición vieya, como ye el casu de Les cerveces con brezu-(Fraoch ye una delicia , aunque no allucinóxena como desearíen los verdaderos Pictos, y La cervecera Arran, una de les favorites míes, fae en cask una heavy condimentada con brezu y tomillu que ye una aunténtica joya), o bien innovando y revisitando formes estílos y conxugaciones como faen los chavales de Brewdog o la xente de Innis & Gunn.


Diariu de viaxe

Anicié'l día con ganes y n'esa primera xornada de reencuentru cayeron diez cerveces-9 en cask una en botella entre escoceses ya ingleses. La selleción a lo llargu del día foi la siguiente:
Pinta de Nutty Black Mild de Thwaites, pinta de Black Sheep Bitter( Castle Arms hora de comer )La primera todo fruta de biesca, groselles, mores , algo de uva prieta, xenial pero no pa acompañar el fish and Chips. La Bitter in it's nick que diría un brit, en su puntu, de todo, nun puedo pedir más( será tóu asína de agora n'alantre???)
Pinta de Fraoch Heather Ale( ale de Brezo), Pinta de Maverick( paez una Mild, serálo???) y Pinta de Orkney Dark (impresionante cerveza mio madrina!!!!) pa la sobremesa particular en el Halfway House
onde topé a un ex -collaciu de curro que nun me conoció l'hijoputa, por suerte taba de comedia y tuviemos charrando de como mos había tratao la vida n'estos cuatro años. Dando un paseo a media tarde-mientres los compañeros descansaben- Paro n'un vieyu conocíu del barriu The Auld Toll y tomé una pinta de Caledonian 80/ y otra de Deuchars. Antes de cenar mientres esperabemos a la xente, Patronis y yo entremos al Sandy Bell's( nun cambió nada de nada) y pudimos degustar una pinta de Ossian Blonde, de una de les micros que meyor cerveza tan faciendo nel norte de Escocia, . A la hora de la cena tuve que facer una de les poques concesiones del viaxe y tomé una pinta de Tennent's Lager porque la otra ufierta yera Newcastle Brown Ale y el caramelu nun pegaba con el Shepard's Pie que iba a meteme entre pechu y espaldia. Al torniar al hotel nun podíemos dexar de pasar por Bennet's el que dexuru va ser el nuestru Local nel viaxe, saludar a les guapes camareres y tomar un par de pintes antes de dir a planchar la oreya. Otra vegada más 80/ y Deuchar's, siempre per esti orden, repitiendo cerveza en cask pero habiendo probao ya 7 diferentes de 11 que tomamos. Ya sólo me queden 18 pa les 25, esto mengua!!!!







*Cask Conditioned. Acondicionamientu en barrica.Ye una manera de facer cerveza na que nin se pasteuriza nin se filtra. Metese nes barriques( antañu de maera, güey de aceru) y sometese a una segunda fermentación envasandola con un poco levadura o mosto xoven pa producir una carbonatación natural y asegurar frescura que redondea el carálter y los matices de la cerveza. Sirvese directamente de la barrica con bombes de mano sin usar presurizaores( dióxidu de carbono o nitróxenu que desvirtuen los sabores).

**la / de 60, 70, 80, 90 leése como shillings ( chelines) la antigua fracción de libra con la que se pagaba, agora en desuso. Pa pedir una cerveza hay varies formes. O dices la cervecera y el númberu: Pint of caledonian 80, please!!! O dices el númberu sólu: Otra forma que sentí a los paisanos vieyos del barriu y que me prestó por la vida pero al ponela n'usu nos bares del centru nun s'entendió ye Bob: A pint of 60/ please!!.A pint of 80 bob please!!! na que bob quier decir chelín.

22 comentarios:

fivixx dijo...

Quizas el mejor post de todo el blog. Graaande!

Chela dijo...

Gracies ho!!! y gracies por lleélu porque intenté ser breve pero la pasión púdome y saliome un poco llargu.

Cuándo llegará cerveza d'esta calidá equí? igual había que falalo col amigu Lúpulo a ver si convence a algún mercader de la cerveza d'esos

Haiga Salú

Iker dijo...

Muy interesante el artículo, que además me ha servido para seguir perfeccionando mi asturiano leído, jeje.
Curioso la forma de pedir las pintas, aquí nos volveríamos locos!! (a parte de que creo que no se podría...)
Espero ansioso a la segunda parte.

mcapri dijo...

Post muy interesante, yo también que vivo en Edimburgo me di cuenta de cosas que no sabia!
Adri, habrá otros posts sobre Edina?

Marco

Chela dijo...

Iker,
Como belgófilo que eres, estoy 97,98% seguro que muchas scotch ale te iban a encantar y por supuesto el típico " a pint of this, please" también sirve recalcando lo de please claro está.

Me alegro que te guste y también que vayas aprendiendo asturianu leído, nunca viene mal jejejeje

Haiga salú collaciu

Lo que fizo la borona... dijo...

Presta lleete Chela, fice un blogue nueu

has de pasar,

ah que soi Raúl, (el de la cuenca guapa)

Chela dijo...

Caro Marchino, primero decirte que es un honor tenerte aquí y un detalle(porque se lo dificil que es para un italiano de Rimini que piensa más de 14 horas al día en inglés y que habla 3 idiomas leer y entender asturianu)

Debajo de tu casa, según sales de tu portal a mano derecha tienes un pub con fine ale y real ale, donde la Deuchars está siempre on its nick y la caley 80 también-aunque yo prefiero la Deuchars, así que no dudes en tomar unas pintas allí, donde ya me conocen casi jejejejeje

Y ya que en nada os váis a la India busca la Jaipur India Pale Ale, vitamina pura que te encantará jejeje

Si habrá más posts sobre my Auld Reekie y también alguno en Español en CAAC no te preocupes, que la Stag Party y la Boda tendrán su post

Un abrazu per grande y un besu xigante pa' la to muyer, uséase, pa la Rolle

Haya Salud

Chela dijo...

Esi gaiteruuuuuuuuuuuu

Bienveníu seyas, enllazote en breve y agora sientome a esperar que les sabies pallabres de to güela nun queden pa prau. A espublizar coses toca collaciu

Haiga Salú

P.S.- Tuvieramos fae un par de meses po' la cervecería que mos recomendasti, tomando delles cerveces y viendo como Sama tien urxencia grande de movida xuvenil jejejejeje, pero'l sitiu presta, anque na más fuere po'l ambiente decadente que tenía

Pin dijo...

Tu ties muches más cualidaes que sexy! Que finu yes castrón!
Vémonos pol Lúpulo...o pol Mitos si no nos corten les ales!
Club de la mahou y cancios n'asturianu
(Lo prometiu ye deuda!!jajaja)

Lo que fizo la borona... dijo...

como lo faigo fíu? llevo media hora rabilando y ni pa dios lo topo, a ver si me pues dicir como ye

gracies

Lo que fizo la borona... dijo...

onde ho? L'espumeru?? porque ta en La Felguera calamar! jajaja

Chela dijo...

Jejjejejej tu si que yes fina además de sempática y agradable vemonos cuando quieriáis pa canciar en Asturianu, italianu, alemán o como se tercie

Un abrazu pa los machos del coleutivu ma y un besu pa les fémines

Haiga Salú

Chela dijo...

Ah y les Ales que nun mos les corten, ni les lager, ni les stouts jejejeje

Ye un chiste de zitófilos jejejeje

Chela dijo...

Cómo faes el qué Boroñes??? escribi, mete les semeyes y da-y a "publicar" ye asína de fácil

Cómo creés tu chipirón que voy confundir yo l'antru que ye el Sheffield esi( debaxo'l puente Sama) con L'Espumeru, Refierome al Sheffield, al Sheffield, jejejejeje

Haiga Salú

GALGUERA dijo...

muy buen post!!!quizás como tu decias un poco largo pero no se fae nada pesao de leer,todo lo contrario.
Apuesto un par de pintes a que mientras escribias se te caia la baba recordando las cerveces que bebiste en Edimburgo eh!!!
Seguro que la segunda parte sera igual de buena o incluso mejor.Esperaremos pues con impaciencia.
un abrazu

Chela dijo...

Nun apuesto porque pierdo, una de les coses que más me cuesta rapresentar escrito ye que a la mesma vegada que diba escribiendo estes llínees arribaben a la mio mente( porque los sabores y golores faen traza nel celebru ensín dubia) y taba sientiendo el arume de la 80 y el sabor de la Deuchars o de Nutty Black, o de la Dark de Orkney jejejejjee. Vuelvo a falar d'elles y siguen llegandome eses sensaciones. Toy como un cencerru pero ye asína

Haiga Salú

Lúpulo Feroz dijo...

Buen post que deja con ganas de viajar a Edina y más ganas de probar las cervezas que citas. De momento aqui nos conformamos con la Tennent´s Stout (algo ye algo).
El chiste de zitófilos ye muy sofisticau pa una de Infiestu.
Y como alguien puede pensar que confundiríamos L´espumeru (la mejor cervecería del mundo) con el Sheffield???

Un abrazu

Chela dijo...

Un día dixistime que ya el to cuerpu cada vegada tiraba más por cerveces fresques y lixeres, nun te puedes imaxinar lo que dibemos a desfrutar de estes y otres ales britániques y sobre tóu, nel to casu, lo que ibes a vivir nos pubs. Llegará'l día que vaigamos, tu tranquilu....


El que lo confundió ye gaiteru qué quies? jejejejeje

L'espumeru ye un grande pero faltay cerveza pa ser la meyor cervecería, tu sabeslo igual que yo jejejejejeje

Abrazu

Anónimo dijo...

" Con el pipiribipipi/ con el paparabapapa/ al que no le guste el vino/ es un animal y nun val un riaaaaal" TAS COMO UNA MANIEGA!!JAJAAJA

Galapagos dijo...

Como me hubiese gustado leer bien este post si no fuera porque no entiendo nada del asturiano!!!!!!! :)
Igual lo intenté y algo capté... pero da dolor de cabeza! :D

somebody dijo...

酒店經紀人,菲梵酒店經紀,酒店經紀,禮服酒店上班,酒店小姐,便服酒店經紀,酒店打工,酒店寒假打工,酒店經紀,酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工經紀,制服酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工,酒店經紀,制服酒店經紀,酒店經紀

ramon dijo...

Moltes gracies Chela,properament serem a Edimburg i per alla aon pasem ens agrada tastar les cerveses locals i el teu post ens anira de collons,mol agraït per tot.

Ah, el teu asturianu s'enten perfectament. Haiga salú company

ramon