miércoles, diciembre 24, 2008

A los Collacios


A los collacios que tan equí y a los que tan lloñe un deseu de felicidá n'Avientu y de prosperidá nel nuéu añu. Haiga Salú//A los amigos de aquí y a los que están lejos un deseo de felicidad para estas navidades y un prospero año nuevo//To friends at home and abroad, greetings for a merry Christmas and a happy Hogmanay

viernes, diciembre 12, 2008

Noticies:Memoria Hestórica de L'Águila Negra

(N'español)
Pa pena de munchos, entre los que alcuentrase esti que soscribe, L'Águila Negra nun va ser nunca más una cervecera pero po lo menos los axente sociales tan faciendo daqué pa que quede vixente nel tiempu como lo que ye, un patrimonio de arquitectura industrial que hay que protexer y defender. Paez ser que un xuez asturianu asína lo vió tamién-será cerveceru??, y dictó sentencia favorable al ayuntamientu de Siero na desputa que tenía con los xerentes del polígonu que agora ocupa la finca de la cervecera y po la que seyos obliga a facer un estudiu de salubridad, facer les reparaciones que pudiere necesitar l'edificiu-que fe mía que paso to los díes per delantre, son muches, y demás custiones que faigan falta pa conserválu n'un bon estáu.Al pasu que van les coses, igual habrá que esperare un par d'años pa velu adecentáu, pero ya ye un adelantu que la ley, por una vez, tea de parte del pueblu que namás quier conservar la memoria industrial d'un pasáu cerveceru brillante que ya nun torniará.Resináos a eso ya tamos, agora po lo menos que mos dexen recordalo en condiciones.La noticia podéis lleéla Equí


P.S.- Qué que ye L'Águila Negra?? tovía tamos asína?? Segui-y esti Enllace, prestaravos

martes, diciembre 09, 2008

Cerveza Ibérica....nunca maize*??

http://www.segundoasegundo.com/images/uploads/ogm.jpghttp://www.segundoasegundo.com/images/uploads/ogm.jpg

Nun se si foi pela febre, o por nun poder falar del dolor de gargüelu que arrastré tóus estos díes y que tovía me tien convaleciente, pero la custión ye que diome per pensar, cosa que nun suelo facer muncho, ya que nun soy un tipu reflesivu se non mas bon impulsivu, y asusteme un pocu de lo que pensé.
Torniaramos fae una selmana d'Edinburgh, y na más posáme del aeroplanu baratu que mos traxo, decidí que nun diba a tomar más cerveza ibérica que nun fuere fecha de tóu malte de cebada. Ya llevaba yo tiempu rumiando esa ideya, y puseme a cabilar fasta dame cuente que salvo una, nun tope tovía cerveza fecha equí que que se axustare a esos parámetros y que me gustaré.Habeles hayles, delles amás, sobre tóu de marques blanques, pero aunque nun tienen maizos ni arroz, lleven estratu de malte y estratu de lúpulu per un tubu con lo que salimos de Guatemala pa metenos en guatapeor.
La realidad cervecera con la que pude reencontrame n'Edinbra, fizome afianzame na mio postura. Va a seme muy duro, eso dexuru, y voy day bula a un par d'elles que me presten aunque tengan maizos, pero tengo claro que ya nun voy tragar más con la patraña de les grandes cerveceres, con esa costumbre tan fea de facemos comulgar con ruedes de molín, con esa maniera de facenos creer que el maízu y l'arroz son ingredientes que nun afeuten a la receta, o lo que ye peor, que formen parte d'ella por tradición. Fasta onde yo se, echense estos adxuntos pa abaratar costes, en detrimentu de la calidá, y eso pa mi ya nun val. Nun quiero paecer equí un illumináu, ni un purista de los estílos ni nada d'esu, pero yo, a día de güey, y a sabiendes que perder abanicu de escolleta, digo non, a les cerveces feches con maíz y arroz.



*Maize lléese /maiz/ onde la z ye una s sonora, sería algo asína como maisss, d'ehí el xuegu, malu, de pallabres.