miércoles, mayo 07, 2008

Un Vieyu Isleñu


ISLE OF JURA (English Version)

Tipo: Single Malt Scotch whisky
Maduración: 10 años
Destilería: Isle of Jura Distillery Co., Craighouse, Jura.
Cata: Notes afrutaes acompañaes col recuerdu a fumu y un toque a agua de mar son les característiques primordiales que faen únicu’l ricu tragu d’esti whisky fechu d’una sola malta. Tamos ante l’orgullosu productu de la última destilería que queda n’Isla de Jura. Poco conocía pero de gran belleza, esta isla cuenta con cantiles pindios y salvaxes a la vera’l mar, guapes colines verdes y milenta regatos, unu de los cuales, Bhaille Mhargahaidh, da l’agua pa facer esti xenial Whisky.




A Marco y Manuela con cariñu fonderu...ya Escocia tamién!!!

Al final de la mio estancia n’Edimburgo Manuela y un servidor decidimos dar una vuelta pa visitar les Tierres Altes. Enrolaos na aventura de Wild In Scotland compartíemos viaxe con otres 15 persones de varies nacionalidaes, a saber: yankies, xaponeses, franceses y neocelandeses amás de un guía escocés que yera un comediante y col que fici buenes migues- Motorhead y el gustu por la bona cerveza abren delles portes .Al entrar na llínea natural que separa les tierres altes de les baxes esti home paró’l bus, fizonos subir a un colláu y en mediu la inmensidá del valle, puestos en corru, bebimos tous de la misma botella, curiosamente Isla de Jura 10 years single malt. Asina cellebrabase, según él, la llegada a les Highlands. El guía confesome, mientres los dos mos reíemos que en realidá facíenlo porque-y prestaba abondo ver los xestos de ascu y miéu que faíen los que nun taben acostumbraos al whisky. Debo decir que cuando llegó la mio vez, pegue-y un llingotazu pequeñu acompañau d’un segundu más llargu, como pa corroborar la calidá y el disfrute del Agua de Vida, uisge beahta . Fueron todo rises y cares d’ asombru. La botella acabemosla pol camin entre’l Neocelandés, la so muyer, el guía y un servior, nun hermanamientu que duró tol viaxe y que portó bona allegría. Slàinte mhor! Haiga Salú!. Torniaremos

4 comentarios:

Dangerous Piper dijo...

Saludos, perdonái esti mensaxe tan breve y tan intrusivu, pero toi intentando avisar a tol mundu. Tamos faciendo campaña pa zarrar webs el día de les lletres asturianes pa pedira la Oficialidá del asturianu.
Más info en
http://blogs.altuxa.com/blog/zarrando-webs-pola-oficialida.html

DR PILORO dijo...

Un post güisquero! Estupendo. En los últimos meses frecuento más las maltas "on the rocks" en las noches de fin de semana, pero sin pasar de los manidos Black Label, Glenffidich o Macallan. Este es un buen descubrimiento Chela!
Sigo devorando tus link culinarios, me encantan, así que gracias.

Chela dijo...

Qué tal doctor????? Bientornáu, a Asturies y a esti cuadernu. Ya ves que de vez en cuando pegoy un lingotazu a la cebada destilada en vez de a la fermentada. El procesu primeru ye el mismu así que tampoco hay tanta diferencia jejejejejejeje

Seguiremos informando culinaria y "dipsomanamente"
Haiga Salú
P.S- Cuando viste al nenu y a Sole fliparíes eh??? tuvo que haber sío un momentu pa grabar.Dayos besos

somebody dijo...

酒店經紀人,菲梵酒店經紀,酒店經紀,禮服酒店上班,酒店小姐,便服酒店經紀,酒店打工,酒店寒假打工,酒店經紀,酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工經紀,制服酒店經紀,專業酒店經紀,合法酒店經紀,酒店暑假打工,酒店兼職,便服酒店工作,酒店打工,酒店經紀,制服酒店經紀,酒店經紀