viernes, marzo 28, 2008

Salamanca Tien Cerveza?

Fae unos meses escribí sobre'l mio bar charru- xaponés favoritu y sobre'l gran concetu de cervecería-taberna que atopamos y que tanto me prestara. Tras l'última y recien estancia quisiemos descubrir si Salamanca, en materia de cerveces, ye más de lo que delles guíes asétiques (y tamién a vegáes ensin rigor nenguno) dicen. Asína que puesiemonos a caleyar, a romper mitos y reticencies, dispuestos a llevar desilusiones pa dar con la respuesta.


Si vas Paseando pe la Plaza Mayor, sólo tienes que cruzar per debaxo del Reló del Ayuntamientu pa topate de llenu co'l 14 de la cai Zamora, esto ye con la cervecería O'Hara's. A primer vista ye una Franquicia Heineken-Guinness ensin nada interesante que ofrecer en materia cervecera pero onde ye prestoso ver los partíos de la Premier y los torneos de rugby, por l'ambiente que se respira. Foriatos-especialmente anglosajones y galos, y oriundos mezclense alrodiu'l deporte y unes cerveces n'un pub decoráu al estilu Irish Pub, ampliu y acoyedor y con una pantalla xigante que se ve dende cualquier esquinu. L'ambiente ye distendíu y diferenciáu ya que si po la mañana y po la tarde ye un pub a l'usu, de nueche vuelvese un discopub- terrible concétu- onde la movida ye más de copes y bailoteo,(vamos de "moñase y frotase" que se diz vulgarmente). Decía que en materia de cerveza nunca m'interesó...hasta fae cosa de un añu o asína cuando, por azares del destín o por aclamación popular- la camarera nunca me sacó d'esa duda, decidieron poner un cañeru de London Pride.



Merez la pena pasar a tomar una pinta de bona ale inglesa porque n'esti bar siempre tien garantía de frescura y porque tá a un preciu bastante competitivu pa ser un llocal del centro de una ciodá tan turística como Salamanca- 3,50 la pinta ye un preciu razonable pa una cerveza d'esti calibre.
BSO-Pop y rock español y en español- el Último, Tequila, Los Rodriguez, Fito y Fitipaldis, los Héroes del silencio, M-Clan, Sabina...



The Brewery. Cai Arriba 15. Salamanca. N'os alriores del Parque de San Francisco ( Ver Mapa nel enllace) topamos una pequeña y guapa cervecería. Puesta en piedra y maera, tien un toque especial distintivu que la fae prestosa y acoyeora. Imáxenes y colleción de cerveces del mundu, memorabilia per interesante entre la que destaquen un luminosu de Caffrey's Stout de los de poner na' cai y un cuadru fechu con clips de cañeros- la chapa que se pon nel tiraor pa identificar la cerveza, de distintes époques y procedencies. La barra ye amplia y comoda, les meses espacioses y el bar tien un bon ventanal que da lluz natural a una parte d'elles. ¿Y cerveces? entrugaréis. Seguimos con la poco interesante selleción de Heineken-Guinness- Paulaner weizen, heineken, murphy's y Guinness. En botella tambien ta surtía por el consorciu pero el tema ameyora gracies a l'esfuerzu del chigreru por dar a a la clientela muestres de Duvel, Tripel Karmeliet, trapenses como Chimay y la buena gama de Sint Bernardus de Watou de la que pudiemos degustar con placer la Saint Bernardus Prior 8.



El pub merez la pena ser visitáu por la decoración, les promociones cerveceres que faen a muy interesante preciu y l'ambiente nocturnu con buena música.
B.S.O- Brit pop y rock yanki. The killers, Manic Street Preachers, white stripe, Coldplay....

jueves, marzo 13, 2008

La Comunidá/Our Blog Community

Marcho a descansar, a ver a la mio neña y a caleyar un poco con ella per entrambes partes de la llínea Ibérica. Mientres toy lloñe, dexovos con la primera entrega de les mios bitácores cerveceres favorites. Esta xente ta faciendo un gran llabor, y aunque nun lo sepan- o sí- tan creando una rede cervecera virtual más que interesante y produtiva. Echa-y una güellada, va prestavos. Haiga Salú //A long needed rest beside my gal and a visit to Portugal is what is going to take me away from this blog for a week or so. Meanwhile you can enjoy the first part of my favourite beer sites. Step by step those bloggers are creating a kind of beer virtual community . Their work is great so read them and, as The Specials used to sing, "Enjoy yourself, it's later than you think".

Empiezo por l'últimu en llegar, Ruivas, Louras e Morenas ye el blog de Vdalmeida quien dende Portugal y con unos interesantes puntos de vista faenos llegar la so perspectiva, compartiendo con nos les sos ideas sobre la realidá de la cerveza lusa así como la revisión de les sos cerveces internacionales preferíes. Viaxeru por devoción tamién mos cuenta les sos andaces como beertraveller detallandonos les cerveces y cerveceríes que atopa nel so andar pel mundu. Muy a tener en cuenta, ciertos enllaces sobre cerveza y gastronomía portuguesa//Ruivas, Louras e Morenas by Vdalmeida it's an interesting Portuguese perspective on beer covering his country's reality. A passionate Beer traveller, his reviews of the beers and pubs he finds on his way are really cool. Last but not least his links about beer and gastronomy are also highly recommended.

Pivní Filosof-Filósofo Cervecero. Max Bahnson ye un argentinu que en 2002 emigró a la República Checa. Dende entonces dedicase a contar , de manera amena y detallada la so esperiencia con la cerveza checa dandonos la so visión particular de la misma, recomendando restaurantes, comida y cerveza a tóus los que quieran apartase del barullu del turismu masificáu pa' asína topase de frente col verdaderu espíritu de la guapa Praga. Una muy útil y recomendable guía sobre como vivir y beber en Chequia //Max Bahnson the Beer Philosopher is an Argentinian living in Prague since 2002 who gives us his vision on Czech beer and its wide range of varieties, apart from telling us in a very vivid manner which are the best places to eat and drink "out of the madding crowd" of tourism in the wonderful Czech Republic Capital city. A Highly recommended site with An English version of his work also available.

Lúpulo y Cereales y Malta Nostrum. La xuventú vien puxando forte. Dos de les coses que más me gusten de estos blogs ye que tan trabayaos por dos persones cada unu, con lo cual la amplitú de mires y el carálter de les tasties ye dual. Dende Huesca la visión de Lúpulo... centrase en les cerveces que pueden ir recoyendo po'a zona. Dan un puntu muy interesante de valor a delles cerveces enllataes, un envase que ciertamente dificulta la tastia, lo cual tien más méritu tovía. Malta Nostrum dende Burgos, ofrez una revisión de les cerveces que van probando así como recomendaciones muy interesantes acerca de les cerveceríes que hay na so ciodá y alriores. Cuenten también con una sección fixa nomada, La cerveza de la Semana na cual mos presenten la más destacada de les que probaron nos díes previos al reportaxe.//Young blood is "beering" hard. This could be a good headline for Lúpulo y Cereales and Malta Nostrum. Two interesting dual blogs. By dual I mean that two people in each one are working hand on hand to offer us their points of view. Lúpulo y ... are commenting on beers they get from supermarkets in a fresh way giving a try to canned beer, a really difficult thing to do.They are based in Huesca. The guys behind Malta Nostrum are taking down beer reviews, news and a guide of bars in Burgos and the area. It's really recommended their weekly section called Cerveza de la Semana in which the most attractive beer they've drank is revisited.

Culturilla Cervecera
, desde Barcelona, está haciendo un buen trabajo. Revisiones de cerveces que caen nes sos manes, datos técnicos sobre les mismes, recetes de cocina con cerveza, y una estensa recopilación de publicidá cervecera son les notes positives de esti blog que aporta un chat cerveceru muy interesante pa la comunidá que se ta creando y donde se pueden intercambiar ideas y puntos de vista en tiempu real, algo muy útil y novedoso //From Barcelona, Culturilla Cervecera is doing a pretty job . Beer rates and reviews, tasting and technical notes, beer cooking and a nice beer ads compilation are some of the interesting things you'll find there. Recommended too its the beer chat the innovation they introduced in our beer blog community.

Dende l'otru lláu del charcu llega Logia Cervecera, un grupu d'amigos arxentinos apasionaos de la cerveza que mos relaten pasu a pasu les sos diverses aventures y desventures con el, segun les sos pallabres, dorado elixir de los dioses. Si de los xovenes españoles decíemos que yeren duales esti ensin duda alguna habría que calificalu como coral.Un de los miembros fae una review y el resto da el so puntu de vista sobre el conteníu: Reportaxes sobre cerveza- muy interesantes les tasties de cerveza artesanal arxentina, visites a bares, cerveceres, festivales, cerveza fecha en casa por ellos mismos,"asados y picadas" y mucho más ye lo que te puedes atopar nesti orixinal blog. Indispensable pa seguir la atualidá y la realidá cervecera de Argentina//Logia Cervecera comes from across the Pond. A bunch of crazy Argentinian beer lovers giving a coral perspective of the most intersenting beers they meet and drink. Bars, beers- really great is their reviews about Argentinian craft beer-, festivals, breweries, homebrewing, parties and bbq's are reviewed in a very cool manner: One of them writes a post and the rest give their opinion about the subject. The different points of view are really interesting and the blog it's highly recommended to keep updated of the Argentinian beer scene.

Buena Cerveza ye el nome elexíu por un amante chilenu de la cerveza que ta lluchando po la creación d'una cultura cervecera n'el so país. Dende les llínees del so blog, podemos ver la realidad cervecera chilena. Muy interesantes son les entreteníes cates y reportaxes varios rellacionaos con la cerveza nacional onde destaquen les cerveces artesanes, así como la revisión de les cerveces de importación que lleguen al país Mapuche. Un sitiu recomendable pa seguir la actualidá absoluta de la cultura cervecera chilena//Buena Cerveza it's the blog of a Chilean beer lover who is very much devoted to the beer culture of his country. Rates on Chilean and international beer with an interesting tendecy for national craft beers. Lively Reviews of his visits and cooking sessions are also posted. A must if you want to follow the movements of the Chilean beer culture.

Po último recomendavos el blog de la CAAC ( Compañía Asturiana de Amigos de la Cerveza), ¿Qué se puede decir del grupu más anárquicu y heteroxéneu del panorama cerveceru de la península Ibérica? na más que el famosu "Pasen y vean"// CAAC's Blog is highly recommended to see the ideas, thoughts, news and tastings of one of the most heterogeneous group of Iberian beerlovers ever.

martes, marzo 11, 2008

Un día Cualquiera...

A vegáes, les xornáes acaben reondes y la sensación que produz esa situación ye increíblemente sana. Cuando ves que lleguen les 20h y ya entregasti a tiempu la traducción encargada, cuando acabaste les clases viendo que los guajes aprendieron algo- o recibiendo la noticia de que unu de los tos allumnos pasó l'esamen con nota- y ya tan esperandote los collacios pa dir a tomar un vasu, esi vienres, n'esi momentu, vuelvese máxicu.

La primera parada obligatoria foi la cervecería onde siempre tamos, Un inglés llamaríala "our local". Nos, diríemos la nosa. Anicié la tarde con una Glops Torrada, llager artesanal que me gusta muncho aunque la d'esta tirada nun tá muy allá, pa mi gustu falta-y madurar un poco, topéla insulsa. De seguío pidí una pinta de Bass, y entre'l charrar animáo sobre como mos diba la vida, les novedáes cerveceres y les rises llegó la segunda de Bass, reconfortando l'animu y ellevando l'espíritu, con los sos saborinos tan bien estruturaos y esi lixeru amargor plenu que tan bien se fae espresar. Si encima te la sirven nel vasu estílu Imperial Pint británicu que tu llevaste pa esi mester y ta fresca y sana como un coral, sabráte a gloria. ( Muncho me gusta esta cerveza!!!)



Ya reuníos tóus, coyimos rumbu pa utru lláu-esta tarea de caltener la cultura cervecera de la ciodá, ye lo que tien- onde tamién mos recibieron con una sonrisa. N'esti Chigre, siempre pido Marston's Pedigree Bitter, embotellada, una cerveza enllena de matices-entre ellos el famosu toque Burton que aporten les agues tan sulfuroses de esa zona y el pasu por les cubes de maera, una de les poques cerveces industriales que tovía lo faen.L'amargor caralterísticu que se espera d'ella nun tarda en reondear el tragu.

Mientres, seguíemos charrando y riendo, cuando vemos que como novedá tienen la fantástica Speciale Palm. Nun tardemos muncho en ponenos con ella.Trátase d'una cerveza belga de fermentación alta, sería el pradigma d'ale belga-aunque a mi, a esti tipu de cerveza, gustame llamales belgues speciales. Equilibrada, fresca, con notes de malta tostáo, naranxa amarga y un final suave, con un toque ácidu perbuenu. En seguida, tras otra ronda, entamamos a falar de lo típica que ye entre los paisanos vieyos de Amberes, de que si de verdá existe la ale belga o no, de si los nomes ale y alta fermentación tienen que tar o no pareyo etc...
La sorpresa de la tarde-nueche llegó con el requerimientu que me fizo la chigrera pa ver si podía confecciona-y la carta de cerveces pa esti añu. L'honor y l'allegría que me produxo tal fechu dexome plasmáu. Una carta de entre 150 y 200 referencies- eso pretende facer- con la llibertá pa confecionala al mi estílu. Aceté el retu con tantu gustu como respetu po la tarea encomendada...


La nueche ya mos llevaba hacia otros derroteros y tomemos l'arrancaera n'una cervecería "de cuyo nombre no quiero acordarme". De barril: Beck's, Hoegaarden y Stella. De botella lo mismo y poco más. Incomprensible. Pedimos unes pintes y unes cañes de Beck's salvo un inconsciente que pidió stella "porque nun la probara tovía", xustificabase. "Ticker* de los coyones, como si hubiere algo que probar" respondió otru.




La esperiencia foi un desastre enteru y verdaderu. La Beck's sin fuercia y con un desagradable olor metálicu, producíu por una mala hixiene de los cañeros y la Stella idem del lienzo. Na segunda ronda algún repitió, otru pidió una caña de Hoegaarden que taba empezando a picase -porque no la pide ni dios y el barril debe llevar abiertu sieglos, así que mi menda, ante tremendu descalabru y viendo lo poco atractiva que yera la ufierta en botella, optó por una Presidente de Santo Domingo, -Qué Rica Papííííto, qué Linda Mamíííííta!!!! con la cual "aciertes" siempre- la neutralidá de sabores ye lo que tien, nun defrauda y llimpia el gargüelu que da gustu. Allí mismu coxí el bus, ya que el sábado diva a ser un dia de trabayu llargu en forma, mientres el restu del grupu buscaba un sitiu pa cenar a les 23.30h. Ye lo bueno de vivir nel sur d'Europa. Haiga Salú.

*llamase Ticker ( del verbu inglés to tick: marcar, facer una muesca) a los aficionaos a la cerveza cuyu propositu ye ser" el que más": el que más cerveces probó, el que más botelles tien, el que más llibros tien etc...Suele usase en sentíu despetívu porque delles veces l'obxetivu esi desviate del interés verdaderu que tien la tu afición. Pero allá ca'ún.(N. del A.)

martes, marzo 04, 2008

Mio Güela la Visionaria/My granny a woman of Perspectives


La semana pasada tuve trasladáu a Llaviana por motivos de" trabayu rural". Fueron díes guapos, de muncha andecha pero tamien de grandes momentos.Volver al chigre del pueblu siempre ye una esperiencia.El poder tomar algo con los collacios que allí tien un, contase penes y allegríes y reíse siempre ye muy sano. Precisamente esti añu pude cellebrar el bríndis mundial a Michael Jackson ellí, entre la comedia de los que nun daben créditu y los xestos co'l deu señalando la sien de los paisanos que me conocen desde guaje. Veníen a decir que ya nun había remediu, que nunca tuve chapeta ni la tendría enxamás. La cosa ye que, lluego en casa, mio güela Amparo, pequeña gran persona- lluchaora y con un sentíu de l'humor finu e intelixente, dixo les pallabres que más me emocionaron na mio vida cervecera. Mirando pal resto de los que tabemos ellí compartiendo mesa y mantel, soltó de repente"Nunca vi güaje que tanto-y gustare la cerveza como esti nietu miu mayor...veslu desfrutar de cá tragu como si fuere'l primeru". A l'utru día, pe la mañana y ensin dase un pijo importancia, volvió de la tienda con un paquete de media docena de La Zaragozana Export. Ye la meyor mio güela!!!!!Vaya esti Sursum Corda a la so salú, col to cariñu del so nietu "tarambaina"

Last week I spent a couple of hard working rural day's at my granny's home.The place is a small rural town located in the central part of Asturias, exactly up north the Nalón river's valley. It's a wonderful place surrounded by nature-High mountains,a deep river, with an interesting touristic offer- trekking, climbing, canoing..., and where you still can see the mine industry-the former flourish ecomomic engine of the area, agriculture and livestock breeding. Life in the countryside, revisiting old friends and learning by hearing the stories from the elder is something really satisfying.We were sharing a meal when one of my grannys, Amparo, pronounced the most moving words that anyone has ever told me related to beer: "I have never seen a person who liked beer in the way this "kiddo" does, he enjoys each sip as if it were the first one". The Next day she came back home from the local supermarket with a six-pack + glass of La Zaragozana Export. Soulful, Isn't it ?. A toast with love to my dear granny.

Reivindicación Social escontra el empareamientu d 'un pueblu: CARRIO SI, POLIGONO NO!!!