domingo, enero 28, 2007

Traspasase/On Lease

L'otru día vi un cartel nun bar que decía "Se traspasa por no poder atenderlo" un eufemisticu ganchu...
Pues yo lo mismo, desde hoy y hasta que acabe'l mes traspaso'l negociu y voy pa Alemaña.Topareisme nel Llink nománu Deutschald Foten.Empieza la serie con la Visita a Hannover.
Haiga Salú

miércoles, enero 24, 2007

LÚPULO FEROZ



Cervecería El Lúpulo Feroz
Cai Idelfonso Sánchez del Río,Uviéu.

Tamos d’enhorabuena los amante de la cerveza que habitamos n’esti barrio. Ante la avalancha de “vinaterías” y “vinotecas” (mal usada aplicada a un bar la primera y horrible pallabru la segunda) en medio de toes elles apaez, con un par, una cervecería. Chigre de muy recientina creación, tamos ante un llocal agradable onde poder tomar una buena cerveza. La decoración ye curiosa, llimpia y sin saturar, con algunos toques propios muy interesantes, como ye, por exemplu, un cuadru perguapu fechu con chapes de cerveza. En lo que a “llíquidu malteáu” se refier, cuenta con la siguiente buena oferta de cañeros:
Bitburger pilsener alemana, Grimbergen abadía belga, Bass Pale Ale británica, Spaten Bock, bock alemana, Trappist Dubbel, trapense belga y un próximu cañeru de cerveza invitada del mes. La oferta en botella ye per curiosa y como nomar toes les q'hay ye tarea dura, recomiendovos empezar por estes cuatro: De Konieck dubbel,belga de Amberes prestosísima, Baltika 6- Porter al estilu rusu perbuena, Erdinger pikantus- bock de trigo sorprendente y Chimay Bleu,trapense xenial.Destacable ye tamién el fechu de contar con toes les variedaes del mercáu de la Cerveza artesanal Glops.Una apuesta muy interesante. Sin querer ser muy críticu echase en falta un cañeru de stout porque la diana ya la pusieron.De toes les maneres quicíaes na so simpleza resida el mayor atractivu,- cómo un buen collaciu y meyor conossieur de cerveza dixera un día tomando allí un buen vasu de pils xermana.
Desde esti Sursum Corda damos-yos la bienvenía al barrio y a la ciudá en xeneral. A tirar pa’llantre faciendo disfrutar con la cerveza.

Bitburger
Tipo: pils xermana
Alcohol: 4,6%
Fermentación: baxa
Brewery: Bitburger Brauerei
Cata: Pilsener seca, de color roxu claru, buen cuerpu, toque curiosu a malta y meyor amargor que la fae muy característica. Pa’l mi gustu ye una cerveza reonda en lo que a pilsener xermana se refier. Nel enllace anterior podéis ver un poco de la so historia. La mía con esta cerveza vien de lloñe. Cuantes xarres tomabemos na Internacional siendo adolescentes...bueno y en cualquier bar que la tuvieren pa que mos vamos a engañar. Durante una época grande húbola en bastantes chigres asturianos. Asina de pronto recuerdo una cafetería y una sidrería en Colloto que tuvieron la característica torre de cerámica verde. En Llaviana más de 3 sitios entre cafeteríes y cerveceríes ficieronnos disfrutar con la “Bit”. Filolóxicamente ye una gran cerveza porque aprendiome les mios primeres pallabres nel idioma Teutón: Bitte ein Bit. ( y ya nun necesité más jejeje).

Y una semeya de Regalu:( con estos grifos-aparte la señorita, ya me conformaba yo pa'l nuestru club)

martes, enero 02, 2007

Bares de Ayeri/Bares d'Angüañu


PACO’S English Tavern

Cai fray ceferino 13,Uviéu.

Fae ya la friolera de 10 años que esti chigre apaga la sede y alimenta l’alma del descarriáu. Siempre fue un sitiu, quiciaes pol nome, quiciaes per la localización a onde dibemos muy de vez en cuando. Sin embargu, nos últimos dos años empecemos a ir más a menudu movíos por la calidá de la so cerveza y el inmeyorable tratu del so personal. Cuenta con una oferta de barril digamos que "standar": Maes, Grimberger, Cyney, Blanche de Brugges pero con una muy atractiva carta de cerveces de botella. La carta ye interactiva.Explicome: N'una estantería tien colocaes unes 200 botelles y tu lo que faes ye señalar la que quieres, pedila y ‘e voilá!!! ya la tas tomando. Otru de los atractivos que tien esti chigre ye que suele tener bastantes cerveces invitaes de botella.Así recuerdo haber tomao con Xevi Mack una selección de cerveces de Quebec bastante interesantes.
Otru día, unu d'esos díes entresemana nel que tocaba cellebrar algo-tous son buenos pa esi mester-conseguimos los dos tomar una maravilla de Cerveza belga d'abadía que mos dexó un gratu gustu.Trátase de la Saint Sebastianne(ver abaxo).
Tambien con Xevi y Cotoya probamos una belga en botella de 75cl que resultó ser una gran cerveza la Leute Bok(Ver abaxo)
La meyor cerveza que probé nel Paco’s,dentro de la categoría de Guest ( cerveza invitada) fue la Bohemian Regents.. En dos semanes acabemosla y la anecdota desde entonces ye llegar y pedir una - a ver si se dan por aludíos y la vuelven a traer. La camarera y ama del chigre con paciencia,siempre mos diz que nun la tienen ya. La camarera....Tamos ante una maquina de la hostelería. Ye increible lo bien que lleva'l bar ella sola, nun tamos ante un chigre grande, más bien al contrariu, pero cuando se llena hay muncho trabayu.Ella sola desenvuelvese y manesaxe que da gustu. Destacable ye la so paciencia y el so saber en la materia, lo que invita a afallase. Toes estes virtudes son les que llevaron, desde fae un par de años a que unu de los nuestros ( a goodfella), acabara enamoráu perdíu d’ella. Un día u otru tendrás que deciselooooooo.Como nota negativa quizás sea lo apretao de la parte trasera, pa paisanos grandones como somos algunu de nos faese estrechu y afogaizu –nun mos cabe la panza cervecil ni les xarres que vamos amontonando jejeje.Si esti ye el tu casu recomendiendase que quedes 'na barra y a poder ser 'na esquina de onde la puerte, sin duda'l llugar favoritu pa deleitase con la cerveza, con la comedia entre Collacios y con les muyeres que se atreven a entrar. Vaya esti Sursum Corda a la Salú de la chigrera ( algún día habrá que pregunta-y el nome) y a la vuestra.



REGENT BOHEMIAN PILSEN

Tipo: Lager
Fermentación:baja
Alcohol:5%
Brewery:Pivovar-Regent
Cata: suave, fresca, con la suavidá ideal de les verdaderes pilsen y el gustu amargu que les fae tan reondes.Hasta agora la que más me prestó de toes les cheques(cerveces) que caté.Highly recomended.





LEUTE BOK

Tipo:doppel bock
Fermentación:alta
Alcohol: 7,5%

Brewery:Van Steenberge Brewery
Cata: Cerveza bock de fermentación alta y refermentada en barrica.Ye aromática, seca y col puntu xustu de dulzor lo que fae que al pasar per la boca sea suavina pero gustosa a la vez. Po lo visto en Flamenco Leute quier decir placer y eso ye lo que queríen conseguir con esta cerveza.Lo de la cabra ye un xuegu de pallabres entre el tipo de cerveza, Bock-orixinaria de Einbeck cerca de Hannover- y el significáu de Bok que quier decir cabra o cabrón y que po lo visto yera un animal muy abundante de la granja- cervecería onde tuvo orixen esta cerveza. Tamien muy recomendable.





SAINT SEBASTIAAN GRAN CRU Blonde y GRAN CRU DARK

Tipo:Cerveza de Abadía
Fermentación: Alta
Alcohol: 7.5% (blonde) y 6,9% (Dark).
Brewery:Browerij Sterkens
Cata:
Cerveza de abadía fuerte y con regustu amargu y un lixeru toque a malta que-y da al final una sensación muy agradable.Notes florales, amargor moderau pero duraderu, alcohol bien integrao.

La Dark por la so parte tien un aroma a caramelu muy carátelterísticu que tamien se siente na boca xunto con la malta torrefacta, el lúpulo y les notes de toffee.