lunes, diciembre 25, 2006

Bares de Ayeri/Bares d'Angüañu

Bares d'hoy
EXCALIBUR
Cai Álvarez Lorenzana 24, Uviéu
Ye esti un chigre que durante un tiempo bastante grande fue el bar favoritu de munchos de nosotros y onde teníemos casi toes les noches de los xueves y de los vienres una cita ineludible con una bona cerveza y un tableru dardos. El llocal ta bien decoráu y cuidáu, con abundante memorabilia cervecera- xarres, carteles, posters, escudos, mezclao tóu ello con guiños a la mitoloxía artúrica, fotos de comedies, unos petacos y una diana que ye la perdición de más d’algún. El tratu recibíu ye inmexorable. Desde un primer momento el chigreru siempre mos trató como parroquianos- cosa normal viendo al ritmu que trasegabemos pintes de ale, stout o lager mientres xugabemos animaos a los dardos. Les atenciones pa con nosotros son siempre les de un collaciu. Ye raro que nun mos regale una camiseta o un polo de temática cervecera, que nun mos invite a unos chupinos o que nun mos sorprenda convidandonos a l’arrancaera con una birra especial de les de la carta-gracies a eso descubrí laKarmelite. Sobre la cerveza decir que tien una variedá de botelles muy curiosa onde abunden les especiales belgues y les d’abadía. La meyor opción sin duda ye acudir a los cañeros pues en barril suel tener:
Lager Maes, especial belga Grimberger, Trigo belga Blanche de Brugges, Brown Ale inglesa Newcastle y stout irlandesa Beamish.
Digo "suel" porque fue perdiendo un poco fuelle y alguna d’estes cerveces cayó de la lista. Aprovecho pa reivindicar la vuelta de la Newcastle y sobre todo el cumplimientu de esa eterna promesa del chigreru de traer cada dos meses una cerveza invitada. Dibes a empezar por una checaaaaaaaaaaaaa( por nun mencionar la camiseta col logo de cerveza Satán reconvertíu en Cervecería Excalibur que dibemos a facer, mentirosuu!!!)
Les ocupaciones diaries, el poco tiempu y la distancia- ta na parte alta d’Uviéu- ficieron que dexaremos d’ir tan a menudo como solíemos aunque ye un sitiu que enxamás escaecemos y a onde volvemos gustosos siempre que podemos ya que sabemos que vamos ser trataos de la meyor manera: con una buena cerveza y muches rises. Vaya esti Sursum Corda a la salú de Alex, Sonia y la so fía Ainoa. Un abrazu Fonderu.
Y PA MUESTRA DE LES MURGUES...











lunes, diciembre 11, 2006

CHIRIBI


CHIRIBI
1989-2006
Cai Pérez de la Sala 17, Uviéu
Fue dende siempre (cerrose por motivos de l' expansión inmobiliaria fae unos meses de esti presente añu) una parada obligada nes nuestres correríes nocturnes. Pa poder citar aquí les innumerables anécdotes que muchos de nosotros disfrutamos na barra d’esti bar míticu, necesitaría una páxina web en vé d’un blog. En orixen, tratabase d’un bar d' ambiente fuboleru- una mítica peña oviedista tenía la so sede n’esti llocal, y d' aficionaos al Rugby. Siendo’l que suscribe un esportinguista de pro puede sonar raro pero debo decir que nunca me sentí discrimináu ni incomodu, más bien al contrariu, pues la movida siempre fue de muy buen rollu entre to la fauna que parabemos per ahí. Yera un antru onde se xuntaben jevis ochenteros, xovenes calimocheros, hooligans, universitarios obreros, pijines rockeres del oviedín del alma y trotabares como nosotros. La oferta solía ser clásica: caña de Mahou, calimotxo baratu-pero de coca cola orixinal, cacharros muy asequibles y tou ello acompañao con pop rock español y asturianu –principalmente Los Suaves, El Último de la Fila, Platero y Tu, Extremoduro, Dixebra y poco más. Algunos recuerdos de esti bar son imborrables:
Recuerdo asina de golpe,les reuniones depués de la pachanga fubito de los vienres, recuperabemos fuerces a tragos de Mahou. Les partíes al fubolín y les rises na mesa de mármol d’atrás, los baños que nunca pasaron la revisión de sanidá-podíes mexar onde fuera, eso sí, siempre a oscures porque tocar el destartaláu enchufe conllevaba un riesgu muy grande.

Acuerdome con Jevimack, Llanero e Isaac xugar al duru con calimocho y tras escuchar repeties veces les mismes canciones-El Último y Los Suaves , Los Suaves y El Último- perder la noción de la realidá y nun saber ya si los gallegos tocaben la de “como un burro…” o si los varas catalanes versioneaben el “malas noticias”.

Otra anécdota
era ver a les amigues foriates, cuando empezaben a salir con nosotros per ahí y les llevabemos al Chiribí, les cares que poníen, como flipando por tar entre aquel personal- dove siamo??? parecíen preguntar. Hablando d'amigos d'ultramar, nun se me escaez que nuna mesa del Chiribí escribimos a medies un poema, Stefanos, Alan, Llani, El Poeta y un servidor, títuláu, como no, “Dipsómanos”.
La misma mesa fue el centro de operaciones de la “Comisión de Festejos Somos Unos Animales” cuando organizamos la primera nochevieya del Gatu. Provistos de botelles de Mahou y caxa de caudales en ristre, Patrón, El Robe y Chela ficieron de contables-recolectando les perrres, y trabayaron de relaciones publiques-convenciendo a xente pa venir- quién nun recuerda a miss Chiribí y les sos amigues jejeje?- cerrando tratos pa conseguir facer pa tous una Nochevieya memorable.

Acuerdome tamién una fiesta Larios onde Guaje Merucu, El Robe, Pucela no, creo que Camblorator y Chela acabemos con les existencias de ginebra y con los regalos que daben, en su mayoría camisetes, mecheros, llaveros y demás cachivaches.
Por último y creo yo el motivu que mos unió a todos, debo hablar de los metros de cerveza. Según rezaba el cartel, con medición incluía sobre la barra,n'un metro cabíen 14 botelles de terciu de Mahou. Yera un espectáculu ver toa la parafernalia: les botelles en fila enriba la barra, o n’una caxa cuando pedíes 2 metros y tóos xuntos alrior d’elles bebiendo en comunidá. Paezme a mi que, en un sentíu, fue el orixen de la monería, pues consiguió reunir al Brujo y a Guaje merucu con el Patrón y con Chela y a su vez con tous los que alrodiaben a estos elementos- desde un puntu de vista escolar xuntó a dominicos con seminaristas y a la vez con los del istituto de Ventanielles. Desde el xeográficu xuntó’l Rosal,Sanpedro Restallón, Calvo Sotelo y Colloto nuna misma capital y asi hasta mil jejejeje
Recuerdos de metros hay cientos, si los ponemos xuntos igual faen algún kilometru pero voy destacar unu muy buenu. Yera el cumple del patrón y de Juanjo y tras una cenona nos soportales del Fontán, acabemos saltando y riendo nel Chiribi, tomando metros de cerveza, bañando a los homenaxeaos con Mahou y bailando sin camiseta a ritmu d’ Extremoduro.

Nos últimos años dexemos d’ir pero tovía tuvimos arranques de señaldá y alguna noche que otra entremos a tomar unes xarres de mediu Jevimack, Cotoya y Chela. Mientres escribo esto sorbio mediu litru de Mahou de una d’eses xarres-afanada como recuerdu ya que barruntabemos el cierre. Sea a la Salú d'un bar míticu na nuestra folixa.

Bares de Ayeri/Bares d'Angüañu


BAR D'AYER






Internacional
(1991-2001)
Cai Cimavilla 5, Uviéu.

Sin duda alguna’l bar preferíu de una xeneración- la nuestra- que empezó a dar los primeros pasos “vespertino-nocturnos” allá a principios de los ‘90 y unu de los sitios onde dellos aprendimos a disfrutar y saborear el líquidu malteáu. Pionera en munchos sentíos, “La Internacional” tratabase de una Cervecería especializada, con muy buena decoración cervecera (Aunque como nota negativa hay que recordar que yera un poco afogaizu si dibes pa les meses d’atrás) y que contaba con innumerables atractivos. El principal- aparte de alguna camarera que siempre mos gustó muncho- yera la variedá y la calidá de la cerveza. Tenía esti bar una oferta en botella de lo más diverso, cosa que por aquel entonces yera difícil de atopar en casi ningún llugar. Pero sin duda, onde se facía insuperable yera en la gran cantidá y diferencia que disponía en cerveces de barril. Con la friolera, quiero recordar, de 14 cañeros (12 más 2 de cerveza invitada o “guest”) tabemos ante un mundu de sensaciones inimaxinables y pasu a pasu dibemos degustando lager, abadía, stout, ale, dark lager y cerveces especiales con gran satisfación. Si mal nun recuerdo la distribución yera como sigue:
Lowenbräu, Spaten, Bitburger, Pilsen Urquell, Labatts-dexaron de traela cuando la crisis del fletan, pues yera canadiense, Foster’s (la orixinal, no la que empezó a facer Samiguel aquí a fines de los 90), Grimbergen, Kapitell, John Smith, Beamish,Gueuze Peach, Geuze Krieg, Tennet’s Super y Kostrizer, ( estes dos últimes como guest durante bastante tiempu).

Anécdotes hay munches de aquella época. Vienseme a la memoria mio pa y mio tíu tomando Chimay- Xeniu y figura ellos hasta pa la cerveza, mientres yo tomaba Clausthäler sin alcohol ( menos mal que a escondíes bebía alguna Aguila Negra jejeje) Recuerdo les murgues con aquelles xarrones de llitru a rebosar con Spaten o con Urquell que tomabemos a medies, Juanjo y yo, siendo imberbes tovía, secundaos por El Llanero y Cuartas quienes siempre bebíen llitros de Cerveza de melocotón o de frambuesa - por lo que empecemos a llamalos les Ladies ( Les muyerines). Andando’l tiempu, ya un poco mayorinos, dibemos a pinchar una paleta del pintor ( patates frites con salses varies), y a tomar unos llitros de Bitburger que casi siempre taba de ofierta, les muyerines crecieron, ya tomaben grimbergen o Kapittel y empezaba a cambiayos la voz…
Un poco más allantre, ya metíos na mayoría d’edá, con nuevos collacios tamién asiduos recuerdo xuntanos Patrón, Cotoya, LLanero, Juanjo y algún otru a tomar llitros de Foster’s- que buena taba cuando la facíen los Aussies- y a echar unes rises. Acuerdome de descubrir les cerveces invitaes y tomar John Smith-aunque necesité casi 3 años y una temporaína en Llondres con Alan pa descubrir les maravilles de la Ale- o ver al poeta degustar con placer cañes de Kostrizer casi horrorizaos por lo rara que mos sabía ( que baratos mos parecen aquellos 40 duros que costaben les cañes de John Smith o de Kostrizer!!!). Nesos años tuvimos Cotoya y yo el primer contactu con Escocia, a través de la Tennet’s y de los llibros de Conan Doyle y Robert Louis Stevenson. Con el Robe dibamos mucho a tomar Pacífico (sin llimón), esa cerveza mexicana, de la zona de Culiacán, que tanto mos gustaba. Fue con el Robe tamién y col Patrón con quien un mediudía de un vienres de primavera tuviemos comiendo unes salchiches y unes patates regaes con Foster’s…. luego teníemos pachanga fubito nel CAU y no se ni como pudimos xugar col “pollaje” que llevabemos…. Y asina hasta 1000 aventures. Sea esti Sursum Corda a la salú de aquella xente, esti chigre y aquellos años.

Spaten Pils
Tipo: Pilsener
Alcohol: 5,2%
Fermentación: baja
Brewery: Spaten-franciskaner- Bräu München.

Cata:
Lager de color roxo paya, de cuerpu mediu, marcáu aroma a malta y regustu final amargu perbuenu. Yo estes coses nun les sabía entoncenes pero si ye verdá que en esa inorancia yera igual de feliz.


Urquell
Tipo: Pilsener
Alcohol: 4,5%
Fermentación: baja<
Brewery: Plezensky Prazdroj o Pilsner Urquell
Cata: Ye roxa de cuerpo mediu pero intensu, sabor floral y carga de lúpulo que persiste al final del tragu dexandu una inconfundible sensación de bienestar. Deleitandonos desde 1870 ye la única que puede por ley llevar el adxetivu original adosáu al so nome. Una de les mios cerveces favorites de tolos tiempos, ye según los checos lo más parecio a la pilsner de Plezn, useáse, a la original.


Kostrizer
Tipo: Dark Lager
Alcohol: 4,5%
Fermentación: baja
Brewery:Köstrizer brauerei
Cata: Lager prieta de cuerpu abundante y sabor intensu con un marcáu regustu a regaliz que dexa una sensación muy plena na boca. Notes de cereal tostáu y caramelu amargu. Muy especial. Naquellos dies too la cerveza prieta que nun fuere como Guinness parecianos rara, sin entender nosostros la diferencia entre stout y lager aunque esta última fuere oscura. Sólo el Poeta arriesgó y acertó, ¡qué gran cerveza y qué barata a 40 duros la caña!!!!


martes, diciembre 05, 2006

ORIGINAL GIN TONIC/GIN TONIC ICE CREAM


...POR LO MENOS NA MIO BODEGA YE ESTO LO MÁS PARECIO AL ORIXINAL GIN TONIC.











El xelau va dedicáu a kikeconK y a Güaje Merucu....(por fin atrevime y fícelu esti weekend y ye al menos tan orixinal como la botella de la que sal)

Ice Cream de Gin Tonic y Manzana Verde


Ingredientes( para 4)
Media botella de Ginebra
1 1/2 tóniques
4 yogures
mediu vasu de nata
150 grms. de azúcar
1 cuchar pequeña de azúcar glassé
1 manzana Verde Granny Smith
1 lima
fueyes de Menta fresca
4 copa xelá

Modus Operandi:

N'una pota más alta que ancha mezclar la media botella gin con 125 grms de azucar y poner a calentar.Antes de que fierva, flambear durante 2 minutos xustos y tapar pa apagar.Una vez retirao del fuegu, añadese-y la tónica y la rallaura de media lima. Dexar reposar y enfriar.
Coxenxe les copes,previamente metíes nel conxelaor a enfriar, y enllenense con dados de manzana-sin pelar pa que quede más vistoso- y unes gotes de lima. Cubrir casi hasta el borde co'l "gin tonic".
Aparte batense los yogures con la nata y el resto del azúcar. Disponemos de la mezcla nuna manga pastelera ( o nun sifón si yes de la Ferrán Adriá School) y cubrimos les copes con ello. Espolvoreamos el azúcar glassé,la menta finamente picada y un poco de ralladura de lima pa decorar. Enjoy your drink...it's later than you think.
P.S. Existe una versión que sustituye el yogur por una bola de sorbete de limón( industrial).Paezme a mi que la textura nun será la misma y además hay que tener en cuenta que el sabor del sorbete desvirtuará el sabor del resto de los ingredientes y aquí lo que interesa ye que tenga un retrogustu natural a gin tonic.