domingo, mayo 25, 2014

Chigres Novos, Chigres Salvaxes: La Fundición.

 Miércoles, depués de trabayar, tomemos unes cervezuques y pensando en lo prestoso de poder pinchar d'aqué entre selmana, pero que fuere prestoso y tuviere amañoso prendiosemos la bombiella y tiremos de de tiesta pa La Fundición, na cai Campoamor.Entremos en lo que yera el Kopín, pa atopar un  llocal guapísimu,  decoráu modernu pero con gusto, funcional, dexome acoyonáu como en tan pocu espaciu manexen tan bien tiempos y platos.La  atención de diez, y el yantar per bonu pa'l mio gustu. Les croquetes con besamel de verdá, de la que ta fecha con conocimientu y cariñu, los callos prestosos abondo, la patatina bien fecha, el casín de dos rabilaes como broche fue un aciertu ( tanto por tenelu na carta como por saber acondicionalu) Tou ello regao con unes pintaques de Alhambra que depués de tomar una C moderna y una C clásica  ( Cotoya y Chimay respeutivamente) aguantaron el tipo de maravilla.
Depués de xintar en forma, tuviemos un ratin de charra con los  chigreros, xente cercano y simpático abondo, resultó que teníemos amigos y conocíos en común y  hasta que habíemos trabayao en algún fogón común. Rises, apuntes, idees recurrentes y compartíes sobre el productu y el cariñu a él, suaños, desgranamientu del panorama gastronómicu llocal, cagar pa' ciertos estamentos como Hostelería de Asturies y sus acólitos,nun damos vez pa charrar,  en definitiva, ser igual de repunantes pa unes coses ya igual de chiflaos pa otres u muches rises. Paezme  un sitiu al que d'ir si nun fuistéis y al que torniar si ya lo fixistéis. Haiga Salú



martes, noviembre 12, 2013

Arqueoloxía Cervecera ( II)

Arqueoloxía Cervecera (I)

Falar d'Edimburgu ye falar de cerveza. "La vieya afumiada", Auld Reekie, nomatu per el que dellos tovía y-dicen, llegó a tener cuarenta fábriques de cerveza allá per mediaos del siglu diecinove. Güey en día queden dos, una dientro del casu urbanu y  descendiente de aquellos pioneros de la malta, ,la  Caledonian, y otra a les afueres, fundada allá pe'l añu 2003, establecía con muchu esfuerzu pero con bonos resultaos, la microcervecera Stewarts. Cuando vivía n'Escocia, el destín- bono el destín y el bon conseyu de dos queríos collacios, llevome a vivir  n'un  preciosu edificiu de principios del sieglu venti,  enfrente de Fountainbridge, llugar famosu per dos coses. La primera d'elles ye perque n'a colonia obrera que se acolumbraba dende la mio ventana  había nacío, Sean Connery, y la segunda que a la escontrá de la mio cai, taba la fábrica centenaria, Fountain Brewery, fundada por William Mcewan nel 1856, baxo el llema de "To Copy it, is Forgery"- copiala ye tontería, traducío llibremente-  y sede de la renomada Mcewan's. Lo que queda d'ella depués de unos desastrosos años finales en manos de  S&N y depués de los holandesonos de Heineken, son eses roínes que véis, y que tanto me atristayaron cuando les retraté. N'a memoria, olfativa, per más ende, y siempre encesa, tará  grabau'l recuerdu de l'arume a malta que salía de los coceeros cada dos o tres díes, golor que inundaba l'ambiente y tanto me recordaba al de Colloto de cuando yera guaje. Haiga Salú



martes, septiembre 03, 2013

Cerveza Cotoya, La Presentación

Fae tiempu que tabemos naguando per ver esti momentu y por fín va a cumplise, Cotoya sal al mercáu, tras más de siete años bregando pa facer cerveza de calidá, nun sólo curiosa ensin non tamién única y personal, l'esfuerzu cobra recompensa.Ye por eso que dende estes llínees hay que recordavos que el próximu xueves día 5 de Setembre, a les ocho la tarde na Cervecería Lúpulo Feroz d'Uvieu podremos asisitir a la presentación oficial de Cerveza Cotoya, un Fechu que mos presta abondo, faenos felices porque tocamos de cervca  y al que deseyamos llarga vida... como dixo aquel, la suerte deseyase a los que nun saben, a los que saben deseyaseyos trabayu y éxitu asgaya. Vemonos n'el Lúpulo, Haiga Salú y Cotoya....




domingo, abril 21, 2013

Robin Food o David de Jorge o d'un Tipu Xenial ( Parafraseyando...)

Por xente asína,  que tresmiten esa allegría y esa pasión per el noble oficiu de cocinar dedicome, entre otres coses jejeje,  a los fogones. Nun hay más que cuntar, na más dexavos un enllaz a un programa y a un cocineru que no sólo ye lúcidu y cultu ensin non tambén simpáticu y xenial. Parafraseyando a la asturiana el só saludu, Puxa Rusia!!!  Haiga Salú y David de Jorge pa' tiempu.

Robin food David de Jorge































****Semeya sacada de Deia.com,  Videu estraíu de You Tube canal David de Jorge, N'ambos dos casos 

todos los drechos reservaos y protexíos acorde a la llexislación vixente.

lunes, abril 08, 2013

Enxamás Escaecíu// Never Forgotten

Un grande del rocanrol que coló p'allá fae diecinove años pero que enxamás escaecemos. Fuisti y serás eso, rocanrol. Grande Lee Brilleaux


martes, abril 02, 2013

VI Anuariu La Piedriquina


Si me preguntes fae un añu qué ye la Piedriquina dexuru que te dicía que una piedra pequena, pero ay finos y fines,  baxo tal nome tamién s'abelluga una Asociación Cultural que ta faciendo un trabayu etnográficu ya hestoriográficu que al mi paecer ye abondo interesante. Tuvi la suerte de fae unos meses conocer a Claudia Prieto,-asociada de la Piedriquina y collaboradora de la revista anuariu  que la mentada asociación espubliza-, a raíz d'un artículu que fae  un estudiu permenorizáu de la hestoria de la cerveza na nuesa tierra, dende los pioneros que aniciaron a facer cerveza allá per el sieglu XIX fasta la realidá de güey en día, onde la cerveza ta despuntando otra vegada como una bébora artesana y de calidá. Per fortuna, pudi seguir en contautu con Claudia y puedo decivos que el so trabayu promete y muncho, anque sólo seya per la pila hores que- y dedicó con ganes ya ilusión. Per esto,-bueno y per el restu de los articulos del espliegu que tamién tiene atrautivu- anunciovos que el vienres 5 d'abril, a les 20h tendrá llugar  nel Club de Prensa Asturiana de La Nueva España  la presentación del  VI Anuariu de La Piedriquina. Nun vos lo perdáis. Ellí taremos. Haiga Salú  Piedriquina!!

Info en Facebook: La Piedriquina en Facebook
Más Info alrodiu la  Piedriquina y les sos Actividaes: Aquí y  Aquí





Imaxen: Extraída de la Piedriquina, todos los derchos reservaos per los autores.

martes, febrero 12, 2013

Pallabres Vieyes


"A man who doesn't Care about the beer he drinks may as well not care about the bread he eats"//"L'Home que nun atiendi pa' la cerveza que bebi, pode que tampocu atienda pa'l pan que xinta"

Con estes pallabres  abría acullá pe'l 77'  Michael Jackson la su opera magna The World Guide of Beer.

Vieyes pallabres, sabies pallabres, con les q'aniciar un llibru que tornió pa siempre la vida de munchos y que sirviera d'inspiración pa' milenta más d'ellos.